ଶ୍ରୀନଗର: ପିଡିପି ମୁଖ୍ୟ ମେହବୁବା ମୁଫତିଙ୍କ ସାନ ଝିଅ ପାସପୋର୍ଟରେ ତାଙ୍କ ମା ମେହବୁବା ମୁଫତିଙ୍କ ନାମ ପରିବର୍ତ୍ତନ କରିବାକୁ ଚାହୁଁଛନ୍ତି । ମେହବୁବାଙ୍କ ନାମ ବଦଳାଇ ସେ ମେହବୁବା ସୈୟଦ ରଖିବାକୁ ଚାହୁଁଛନ୍ତି । ଏନେଇ ସେ ଏକ ସ୍ଥାନୀୟ ଖବରକାଗଜରେ ପ୍ରକାଶ କରିଛନ୍ତି।
ମେହବୁବାଙ୍କ ଝିଅ ଇରାତିକା ଜାଭେଦ ନୋଟିସ୍ରେ କହିଛନ୍ତି, 'ମୁଁ ଶ୍ରୀନଗର, କାଶ୍ମୀର 190001, ଫେୟାରଭ୍ୟୁ ହାଉସ୍ ବାସିନ୍ଦା ଜାଭେଦ୍ ଇକବାଲ୍ ଶାହାଙ୍କ ଝିଅ ଇରାଟିକା ଜାଭେଦ୍ । ମୁଁ ନିଜ ପାସପୋର୍ଟରେ ମାଙ୍କ ନାମ ପରିବର୍ତ୍ତନ କରି ମେହବୁବା ସୈୟଦ ନାମରେ ନାମିତ କରିବାକୁ ଚାହୁଁଛି। ଯଦି ଏଥିରେ କାହାର କିଛି ଆପତ୍ତି ଥାଏ, ତେବେ ସାତ ଦିନ ମଧ୍ୟରେ ସମ୍ପୃକ୍ତ ଅଧିକାରୀଙ୍କ ସହ ଯୋଗାଯୋଗ କରନ୍ତୁ। '