ନୂଆଦିଲ୍ଲୀ: କରତାରପୁର କରିଡର ମାମଲାରେ ଗୁରୁବାର ବିଦେଶ ମନ୍ତ୍ରଣାଳୟର ମୁଖପାତ୍ର ରବୀଶ କୁମାର ବଡ ବୟାନ ଦେଇଛନ୍ତି । କରତାରପୁର କରିଡର ଆଢୁଆଳରେ ପାକିସ୍ତାନ ଭାରି ମାତ୍ରାରେ ସେବାଶୁଳ୍କ ଶ୍ରଦ୍ଧାଳୁଙ୍କ ଠାରୁ ଆଦାୟ କରି ଲାଭଭାନ ହେବା ପାଇଁ ଚେଷ୍ଟା କରୁଛି ବୋଲି ସେ କହିଛନ୍ତି ।
କରତାରପୁର କରିଡର ନେଇ ଭାରତ-ପାକ ମଧ୍ୟରେ ଅନେକ ବୈଠକରେ ଗୁରୁତ୍ବପୂର୍ଣ୍ଣ ଆଲୋଚନା କରାଯାଇଛି । ଶିଖଧର୍ମକ୍ଷେତ୍ର କର୍ତ୍ତାରପୁର ସାହିବକୁ ଦର୍ଶନ କରିବା ପାଇଁ ଆସୁଥିବା ଶ୍ରଦ୍ଧାଳୁଙ୍କ ଠାରୁ ସେବା ଶୁଳ୍କ ଆଦାୟ ନେଇ ପାକିସ୍ତାନ ଜୋର ଦେବା କାରଣ ଯୋଗୁଁ ଏପର୍ଯ୍ୟନ୍ତ ଏହି କରତାରପୁର କରିଡର ବୁଝାମଣାକୁ ଅନ୍ତିମ ରୂପ ଦିଆଯାଇନଥିବା ସେ କହିଛନ୍ତି । ସେବା ଶୁଳ୍କ ବ୍ୟତିତ ଭାରତ ଅନ୍ୟ ସମସ୍ତ ମୁଦ୍ଦାରେ ଚୁକ୍ତି ସ୍ବାକ୍ଷରିତ କରିବା ପାଇଁ ରାଜି ଥିବା କହିଛନ୍ତି ରବୀଶ କୁମାର ।