ବେଙ୍ଗାଲୁରୁ: ସମୁଦ୍ରରେ ପଦ୍ମାସନରେ ଏକ ଘଣ୍ଟାରୁ ଉର୍ଦ୍ଧ୍ବ ସମୟ ପହଁରି ନୂଆ ରେକର୍ଡର ଅଧିକାରୀ ହୋଇଛନ୍ତି କର୍ଣ୍ଣାଟକର 65 ବର୍ଷୀୟ ଗଙ୍ଗାଧର । 'ଇଣ୍ଡିଆ ବୁକ୍ ଅଫ୍ ରେକର୍ଡ'ରେ ସେ ଏହି ରେକର୍ଡର ଅଧିକାରୀ ହୋଇ ପାରିଥିବା ଜଣା ପଡିଛି ।
ପଦ୍ମସାନରେ ପହଁରି 'ଇଣ୍ଡିଆ ବୁକ୍ ଅଫ୍ ରେକର୍ଡ'ରେ କର୍ଣ୍ଣାଟକର ଗଙ୍ଗାଧର
ଆରବ ସାଗରରେ ସେ 1 ଘଣ୍ଟା, 13 ମିନିଟ୍, 7 ସେକେଣ୍ଡରେ 1400 ମିଟରରେ ପଦ୍ମାସନରେ ଭାସମାନ ଅବସ୍ଥାରେ ପହଁରି ଏହି ବିରଳ ରେକର୍ଡ କରିବାରେ ସଫଳ ହୋଇଥିବା ଜଣା ପଡିଛି । ପୂର୍ବରୁ ମଧ୍ୟ ଗଙ୍ଗାଧର ଅନେକ ରାଜ୍ୟ ତଥା ଜାତୀୟ ପୁରସ୍କାର ଜିତି ସାରିଛନ୍ତି। 2009 ରୁ 2019 ପର୍ଯ୍ୟନ୍ତ ସେ ରାଜ୍ୟ ସ୍ତରୀୟ ସନ୍ତରଣ ପ୍ରତିଯୋଗିତାରେ 31 ଟି ସ୍ବର୍ଣ୍ଣ, 16 ଟି ରୌପ୍ୟ ଏବଂ 8ଟି ବ୍ରୋଞ୍ଜ ପଦକ ଅଧିକାର କରିସାରିଛନ୍ତି ।