ବେଙ୍ଗାଲୁରୁ: କର୍ଣ୍ଣାଟକ ଉଭୟ ଗ୍ରାମାଞ୍ଚଳ ଓ ସହରାଞ୍ଚଳରେ ମଙ୍ଗଳବାର ରାତିରୁ ଲକଡାଉନ୍ ଲାଗୁ କରାଯାଇଛି । ଜୁଲାଇ 22 ଯାଏଁ ଏହି ଲକଡାଉନ୍ ବଳବତ୍ତର ରହିବ । ବୁଥ ସ୍ତରରେ ସ୍ଥାପିତ ଟାସ୍କ ଫୋର୍ସ ସମାଜର ବିଭିନ୍ନ ବର୍ଗର ଲୋକଙ୍କୁ ଅଲଗା କରିବ ଓ ରାପିଡ୍ ଆଣ୍ଟିଜେନ ପରୀକ୍ଷା କରିବା ପାଇଁ ଘର ପରିଦର୍ଶନ କରିବ ।
ସନ୍ଧ୍ୟା ପର୍ଯ୍ୟନ୍ତ କେବଳ ଅତ୍ୟାବଶ୍ୟକ ସାମଗ୍ରୀର ଦୋକାନ ଖୋଲା ରହିବ । ସହରାଞ୍ଚଳ ଓ ଗ୍ରାମାଞ୍ଚଳର ଥିବା ଇଣ୍ଡଷ୍ଟ୍ରିଆଲ୍ କ୍ଲଷ୍ଟର ଗୁଡିକୁ ଲକଡାଉନ୍ କରାଯାଇଛି । ଯାତାୟାତକୁ ନିୟନ୍ତ୍ରଣ କରିବା ପାଇଁ ବେଙ୍ଗାଲୁରୁ ସହରର ରାସ୍ତା ମଙ୍ଗଳବାର ରାତି ଠାରୁ ବ୍ୟାରିକେଡ୍ କରାଯାଇଛି । ନିୟମ ଉଲ୍ଲଙ୍ଘନକାରୀଙ୍କ ଗାଡି ପୋଲିସ ଜବତ କରିବା ସହ ସେମାନଙ୍କୁ ଚେତାବନୀ ଦିଆଯଆଇଛି । ଯଦି ନିୟମ ଭାଙ୍ଗେ ତେବେ ତୁରନ୍ତ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।