ବେଙ୍ଗାଲୁରୁ: କର୍ଣ୍ଣାଟକ ହାଇକୋର୍ଟ କଂଗ୍ରେସ ନେତା ଦିଗବିଜୟ ସିଂଙ୍କ ପିଟିସନକୁ ଖାରଜ କରିଛନ୍ତି । ଦିଗବିଜୟ ସିଂ ବେଙ୍ଗାଲୁରୁ ହୋଟେଲରେ ଥିବା 16 ଜଣ ମଧ୍ୟପ୍ରଦେଶ କଂଗ୍ରେସ ବିଧାୟକ ମାନଙ୍କୁ ଭେଟିବାକୁ ଏହି ପିଟିସନ ଦାଖଲ କରିଥିଲେ । କର୍ଣ୍ଣାଟକ ହାଇକୋର୍ଟ ଏହାକୁ ବିଚାର କରି ମାମଲାକୁ ଖାରଜ କରିଛନ୍ତି ।
ପୂର୍ବରୁ ଦିଗବିଜୟ ସିଂଙ୍କ ବିରୋଧରେ ମଧ୍ୟପ୍ରଦେଶ ବିଜେପି ମୁଖ୍ୟ ନିର୍ବାଚନ କମିଶନଙ୍କ ପାଖକୁ ଚିଠି ଲେଖିଛି । ଏହି ଚିଠିରେ ହୋଟେଲରେ ଥିବା ବିଧାୟକମାନଙ୍କୁ ଦିଗବିଜୟ ପ୍ରଭାବିତ କରୁଥିବା ମଧ୍ୟପ୍ରଦେଶ ବିଜେପି ଦର୍ଶାଇଛି । ସେଥିପାଇଁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଜେପି ଦାବି କରିଛି ।