ଲକ୍ଷ୍ନୌ: ଗତ 24 ଘଣ୍ଟା ମଧ୍ୟରେ ଉତ୍ତରପ୍ରଦେଶ ପୋଲିସର ସବୁଠାରୁ ମୋଷ୍ଟ ୱାଣ୍ଟେଡ୍ ଚେହେରା ପାଲଟିଛି ବିକାଶ ଦୁବେ । ବିକାଶର ସନ୍ଧାନରେ ପୁରା ରାତି ପୋଲିସ ଚଢଉ କରିବାରେ ଲାଗିଛି । ଅନ୍ୟପକ୍ଷେ ବିକାଶର ସମ୍ପର୍କ ପୋଲିସ ସହ ଥିବା ଜଣାପଡିଛି । ଚୌବେପୁର ପୋଲିସ ଷ୍ଟେସନର ଜଣେ ପୋଲିସ ହିଁ ବିକାଶକୁ ଚଢାଉ ବିଷୟରେ ସୂଚନା ଦେଇଥିଲା ।
ଶୁକ୍ରବାର ରାତିରେ ପ୍ରାୟ 20ଟି ଟିମ୍ ବିଭିନ୍ନ ଜିଲ୍ଲାରେ ବିକାଶ ଦୁବେକୁ ଖୋଜିବାରେ ଲାଗିଥିଲା । ଏହି ସ୍ଥାନ ଗୁଡିକରେ ବିକାଶ ଦୁବେର ସମ୍ପର୍କୀୟମାନେ ରହୁଛନ୍ତି । ଏହି ମାମଲାରେ ପୋଲିସ ଆଉ 12 ଜଣଙ୍କୁ ଅଟକ ରଖିଛି। ପୋଲିସ ସେମାନଙ୍କୁ ପଚରାଉଚରା କରୁଛି। ମୋବାଇଲ୍ କଲ୍ ସବିଶେଷ ତଥ୍ୟ ଆଧାରରେ ପୋଲିସ ଏହି ଲୋକଙ୍କୁ ଅଟକ ରଖିଛି । ଏଥିସହ ବିକାଶର ସୂଚନା ଦେଲେ 50 ହଜାର ପୁରସ୍କାର ଦିଆଯିବ ବୋଲି ପୋଲିସ ପକ୍ଷରୁ କୁହାଯାଇଛି । ବର୍ତ୍ତମାନ ବିକାଶର ସନ୍ଧାନ ପାଇଁ ଏସଟିଏଫ ସମେତ ୟୁପି ପୋଲିସର ପ୍ରାୟ 100 ଟି ଟିମ୍ ସର୍ଚ୍ଚ ଅପରେସନ୍ ଜାରି ରଖିଛନ୍ତି ।