ଲକ୍ଷ୍ନୌ: ଅସୁରକ୍ଷିତ ସାମ୍ବାଦିକ। ଗଣତନ୍ତ୍ର ଚତୁର୍ଥ ସ୍ତମ୍ଭକୁ ଉପରକୁ ବିଭିନ୍ନ ସମୟରେ ମରଣାନ୍ତକ ଆକ୍ରମଣ ଓ ହତ୍ୟା ଭଳି ସଙ୍ଗୀନ ଘଟଣା ଘଟୁଛି। ତେବେ ଗତ କିଛିଦିନ ଭିତରେ ବିଭିନ୍ନ ସ୍ଥାନରୁ ସାମ୍ବାଦିକ ହତ୍ୟାର ଚିତ୍ର ସାମ୍ନାକୁ ଆସୁଛି। ହେଲେ ୟୁପିରେ ସାମ୍ବାଦିକ ବିକ୍ରମ ଯୋଶୀଙ୍କ ହତ୍ୟା ଘଟଣା ମନରୁ ନଲିଭୁଣୁ ଆଉ ଏକ ଅଘଟଣ ପଦାକୁ ଆସିଛି।
ସୂଚନା ଥାଉକି, ଉତ୍ତରପ୍ରଦେଶ ବାଲିଆ ଜିଲ୍ଲାର ଫେଫନା ଗ୍ରାମରେ ଜଣେ ସାମ୍ବାଦିକଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ଘଟଣାଟି ସୋମବାର ସନ୍ଧ୍ୟାରେ ହୋଇଛି। ତେବେ ଏହି ଘଟଣାରେ ଏବେ ସୁଦ୍ଧା 3 ଜଣଙ୍କୁ ଗିରଫ କରାଯାଇଛି।
"ସାମ୍ବାଦିକ ରତନ ସିଂଙ୍କୁ ଗାଁ ମୁଖିଆଙ୍କ ବାସଭବନରେ ଗୁଳି କରି ହତ୍ୟା କରାଯାଇଥିଲା। ସେମାନଙ୍କୁ କୁହାଯାଉଛି ଯେ ସେମାନଙ୍କର କିଛି ପୁରୁଣା ବିବାଦ ଥିଲା। ଯାହାକୁ ନେଇ ଏବେ ତଦନ୍ତ ଚାଲିଛି। ସମସ୍ତ ଅଭିଯୁକ୍ତଙ୍କୁ ଶୀଘ୍ର ଗିରଫ କରାଯିବ" ବୋଲି ବାଲିଆ ଏସପି ଦେବେନ୍ଦ୍ରନାଥ କହିଥିଲେ।