ଜୟପୁର: ରାଜସ୍ଥାନର ନାଗୌର ଜିଲ୍ଲାରେ ଦେଖିବାକୁ ମିଳିଛି ଅଭାବନୀୟ ଘଟଣା । ରାସ୍ତା କଡ ଅଳିଆଗଦାରେ ପଡି ରାହାଧରି କାନ୍ଦୁଥିଲା କଅଁଳ ଶିଶୁ । ସ୍ଥାନୀୟ ଲୋକଙ୍କ କାନରେ ପଡିଥିଲା କାନ୍ଧ। ଲୋକେ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଥିଲେ । ଆଉ ଅଲୋଡା ଶିଶୁର ପରିଚୟ ନେଇ ସେ ଚିକିତ୍ସିତ ହେଉଥିଲା ହସ୍ପଟାଲରେ । ଠିକ ଏହି ସମୟରେ ଦେବତା ସାଜି ଆସିଛନ୍ତି ସାମ୍ବାଦିକ ଦମ୍ପତି । ପୋଷ୍ୟ ସନ୍ତାନ ଭାବେ ଗ୍ରହଣ କରିବା ପାଇଁ ଆଗେଇ ଆସିଛନ୍ତି ସେମାନେ।
ସେମାନେ ଦେବେ ଏହି ଅଲୋଡା ଶିଶୁକୁ ପରିଚୟ । ଆଉ ତା ନାମ କହିବା ପୂର୍ବରୁ କେହି ଅଲୋଡା ଶବ୍ଦଟି ବ୍ୟବହାର କରିବେ ନାହିଁ । ସାମ୍ବାଦିକ ଦମ୍ପତି ଆଇନ ଅନୁଯାୟୀ ଶିଶୁକନ୍ୟାକୁ ପୋଷ୍ୟଭାବେ ଗ୍ରହଣ କରିବା ପାଇଁ ଚେଷ୍ଟାଜାରି ରଖିଛନ୍ତି । ତେବେ ଏହି ସାମ୍ବାଦିକ ହେଲେ ବିନୋଦ କାପ୍ରି ଏବଂ ନ୍ୟୁଜ ଆଙ୍କର ସାକ୍ଷୀ ଜୋଶୀ । ପିଲାଟିର ନାମ ପିହୁ ରଖାଯିବ ବୋଲି ସ୍ଥିର କରିଛି କାପ୍ରି ପରିବାର।
ବର୍ତ୍ତମାନ ପିହୁ ରାଜସ୍ଥାନ ନାଗୌରର ଜେଏଲଏନ ହସ୍ପିଟାଲରେ ଚିକିତ୍ସିତ ହେଉଛି । ଧିରେ ଧିରେ ସେ ସୁସ୍ଥ ହେବାରେ ଲାଗିଛି। ହସ୍ପିଟାଲର ସମସ୍ତ ଡାକ୍ତରଙ୍କୁ ଧନ୍ୟବାଦ ଦେଇଛନ୍ତି ବିନୋଦ । କିଛିଦିନ ତଳେ ଶିଶୁର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏହି ଦମ୍ପତି ପିଲାଟିକୁ ନେବା ପାଇଁ ଆଗେଇ ଆସିଥିଲେ।