ଏବିଭିପିର ବିସ୍ଫୋରକ ବୟାନ; ଜେଏନୟୁରେ ଆକ୍ରମଣ କରିଛନ୍ତି ନକ୍ସଲ

ତେଜୁଛି ପ୍ରତିବାଦ । ଶାନ୍ତ ପଡ଼ୁନି ବିଶ୍ବବିଦ୍ୟାଳୟ । ଜାନୁୟାରୀ 5ରେ ଜେଏନୟୁରେ ହୋଇଥିବା ହିଂସା ଘଟଣାରେ କାଦୁଆ ଫିଙ୍ଗାଫିଙ୍ଗା ଚାଲିଛି । ଏଭଳି ସ୍ଥିତିରେ ଏବିଭିପି ସାଧାରଣ ସମ୍ପାଦକ ନିଧି ତ୍ରିପାଠୀ ଦେଇଛନ୍ତି ବିସ୍ଫୋରକ ବୟାନ ।

ନୂଆଦିଲ୍ଲୀ: ଜବାହାରଲାଲ ନେହେରୁ ବିଶ୍ବବିଦ୍ୟାଳୟରେ ଥମିବାରେ ନା ନେଉନାହିଁ ପ୍ରତିବାଦ । ଦୁର୍ବୃତ୍ତଙ୍କ ଆକ୍ରମଣ ପ୍ରତିବାଦରେ ବିକ୍ଷୋଭ ଉଗ୍ର ହେବାରେ ଲାଗିଛି । ଉଭୟ ବାମପନ୍ଥୀ ଓ ଦକ୍ଷିଣପନ୍ଥୀ ଛାତ୍ର ସଂଗଠନ ଉଭୟ ପରସ୍ପର ଉପରେ ଦୋଷ ଲଦିବାରେ ଲାଗିଛନ୍ତି । ଏପରି ସ୍ଥିତିରେ ସାମ୍ବାଦିକ ସମ୍ମିଳନୀ କରିଛି ଛାତ୍ର ସଂଗଠନ ଏବିଭିପି ।

ଏଆଇଏସଏଫ ପ୍ରରୋଚନାରେ ଜେଏନୟୁରେ ହିଂସା ସୃଷ୍ଟି ହୋଇଥିବା କହିଛନ୍ତି ସାଧାରଣ ସଂପାଦକ ନିଧି ତ୍ରିପାଠୀ । ସେ କହିଛନ୍ତି ଏହି ହଂସା ଘଟଣା କେବଳ ଜାନୁଆରୀ 4 ତାରିଖ ପର୍ଯ୍ୟନ୍ତ ସିମୀତ । ବିଶ୍ବବିଦ୍ୟାଳୟରେ ଘଟିଥିବା ଘଟଣା 5 ତାରିଖର ନୁହେଁ, ଏହା ପୂର୍ବରୁ ଅର୍ଥାତ ଅକ୍ଟୋବର 28 ତାରିଖରୁ କ୍ୟାମ୍ପସରେ ଏହା ଘଟିଆସିଛି ବୋଲି ସେ କହିଛନ୍ତି ।

ବିଶ୍ବବିଦ୍ୟାଳୟରେ ଫିସ ବୃଦ୍ଧି ପ୍ରତିବାଦରେ ଛାତ୍ର ଆନ୍ଦୋଳନକୁ ସେ ଭୁଲ ଦର୍ଶାଇଛନ୍ତି । ଏହା ସହ ଜାନୁୟାରୀ 5 ତାରିଖରେ ହୋଇଥିବା ହିଂସା ଏକ ନିକ୍ସଲ ପ୍ରାୟୋଜିତ ଘଟଣା ବୋଲି କହିଛନ୍ତି ଏବିଭିପି ସାଧାରଣ ସଂପାଦକ ନିଧି ତ୍ରିପାଠୀ ।