ନୂଆଦିଲ୍ଲୀ: ଫି’ ବୃଦ୍ଧିକୁ ନେଇ ଜବାହାରଲାଲ ନେହେରୁ ବିଦ୍ୟାଳୟରେ ଲାଗି ରହିଛି ଛାତ୍ର ଅଶାନ୍ତି । ଗତ 2 ସପ୍ତାହ ଧରି ଚାଲିଥିବା ବିକ୍ଷୋଭ ଥମିବାର ନାଁ ନେଉନି । ଗୁରୁବାର ଉତ୍ୟକ୍ତ ଛାତ୍ରମାନେ ବିଶ୍ବବିଦ୍ୟାଳୟର କୁଳପତିଙ୍କ ନାମଫଳକ ହଟେଇ ଦେଇଛନ୍ତି । ଏପରିକି ଆପଣ ଆମ କୁଳପତି ନୁହଁନ୍ତି ବୋଲି ନାମଫଳକ ସ୍ଥାନରେ ଲେଖିଛନ୍ତି ଉତ୍ୟକ୍ତ ଛାତ୍ର ।
ଛାତ୍ରଙ୍କ କହିବା ଅନୁଯାୟୀ, କିଛି ଦିନ ହେଲାଣି ସେମାନେ କୁଳପତିଙ୍କ ସହ ସାକ୍ଷାତ ପାଇଁ ଉଦ୍ୟମ ଜାରି ରଖିଛନ୍ତି । ହେଲେ ଆଲୋଚନା ହୋଇପାରୁନାହିଁ । ତେଣୁ ଆମେ ଯାହା ଲେଖିଛୁ ତାହା ସମ୍ପୂର୍ଣ୍ଣ ସତ । ସେପଟେ ଛାତ୍ର ଆନ୍ଦୋଳନକୁ ସମର୍ଥନ କରିଛନ୍ତି ଜେଏନୟୁ ଛାତ୍ରସଂଘର ପୂର୍ବ ଉପାଧ୍ୟକ୍ଷ ଶହଲା ରାସିଦ୍ । ସେ କହିଛନ୍ତି, ଛାତ୍ରଙ୍କ ଆନ୍ଦୋଳନକୁ ସମର୍ଥନ ଆମେ କରୁଛୁ । ଜେଏନୟୁର ବିଶେଷ୍ବତ ହେଉଛି ସମାନତା । ହେଲେ ଏଠାରେ ଛାତ୍ରଛାତ୍ରୀଙ୍କ ମଧ୍ୟରେ ଭେଦଭାବ କରାଯାଉଛି । ଯାହାକୁ ସେ ବିରୋଧ କରୁଥିବା କହିଛନ୍ତି ।