ଶ୍ରୀନଗର: ଜମ୍ମୁ କାଶ୍ମୀର କୁପୱାଡାରୁ ଜୈଶ-ଏ-ମହମ୍ମଦ (ଜୈଇଏମ) ଆତଙ୍କୀଙ୍କ ଏକ ସହଯୋଗୀ ଗିରଫ । ଏନେଇ ସୋମବାର ଜମ୍ମୁ କାଶ୍ମୀର ପୋଲିସ ପକ୍ଷରୁ ସୂଚନା ମିଳିଛି। ଗିରଫ ଆତଙ୍କୀ ପାଖରୁ ଏକ ହ୍ୟାଣ୍ଡ ଗ୍ରେନେଡ ସହ 3.50 ଲକ୍ଷ ଟଙ୍କା ଜବତ କରାଯାଇଛି ବୋଲି ପୋଲିସ ସୂତ୍ରରୁ ପ୍ରକାଶ।
ଏହା ପୂର୍ବରୁ ନଭେମ୍ବର 19 ରେ ଜମ୍ମୁ କାଶ୍ମୀରର ନାଗ୍ରୋଟା ଠାରେ ସୁରକ୍ଷାବଳଙ୍କ ଏନକାଉଣ୍ଟରରେ 4 ଜଣ ଜୈଇଏମ ଆତଙ୍କବାଦୀ ନିହତ ହୋଇଥିଲେ । ସେନା ପକ୍ଷରୁ 11 ଏକେ-47 ରାଇଫଲ, 3 ପିସ୍ତଲ, 29 ଗ୍ରେନେଡ ଏବଂ ଅନ୍ୟାନ୍ୟ ଉପକରଣ ଜବତ କରାଯାଇଛି।