ଶ୍ରୀନଗର: ସେନା ସର୍ବଦା ନିଜକୁ ଦେଶ ସେବାରେ ନିୟୋଜିତ କରିଥାଏ। ପତ୍ରିକୂଳ ଓ ଅନୂକୁଳ ପରିସ୍ଥିତିରେ ନିଜ ଜୀବନକୁ ବାଜିରେ ଲଗାଇ ଅନବରତ ଲାଗି ରହିଥାନ୍ତି ଲୋକଙ୍କ ସେବାରେ। ବର୍ତ୍ତମାନର ପରିସ୍ଥିତିରେ ମଧ୍ୟ ଲୋକଙ୍କୁ ସାହାଯ୍ୟ କରିବାକୁ ଆଗକୁ ଆସିଛନ୍ତି ଭାରତୀୟ ସେନା।
କୋଭିଡ୍-19ର କାୟାରୁ ଦେଶବାସୀଙ୍କୁ ବଞ୍ଚାଇବା ପାଇଁ 21 ଦିନିଆ ଲକଡାଉନ ଘୋଷଣା କରିଛନ୍ତି ସରକାର । ଏନେଇ ଶନିବାର ଦିନ 14 ତମ ବାଟାଲିୟନ ସେଣ୍ଟ୍ରାଲ ରିଜର୍ଭ ପୋଲିସ୍ ଫୋର୍ସ ସୋପିଆନ ସ୍ଥିତ ସ୍ଥାନୀୟ ଲୋକଙ୍କୁ ମାସ୍କ ବଣ୍ଟନ କରିଥିଲେ | ଏହି ସମୟରେ, ଭାରତୀୟ ସେନାର 62 ରାଷ୍ଟ୍ରୀୟ ରାଇଫଲ୍ସ ଆଜି ସୋପିଆନର ଅଭାବୀ ଲୋକମାନଙ୍କ ମଧ୍ୟରେ ଚାଉଳ ଏବଂ ଅନ୍ୟାନ୍ୟ ଖାଦ୍ୟ ସାମଗ୍ରୀ ବଣ୍ଟନ କରିଥିଲେ।