ନୂଆଦିଲ୍ଲୀ: ଜବାହାରଲାଲ ନେହରୁ ବିଶ୍ବ ବିଦ୍ୟାଳୟରେ ଫି' ବୃଦ୍ଧି ଏବଂ ନୂଆ ହଷ୍ଟେଲ ନିୟମକୁ ନେଇ ଆରମ୍ଭ ହୋଇଥିବା ବିବାଦ ଥମିବାର ନାଁ ନେଉନାହିଁ । ଏନେଇ ଜେଏନୟୁ ଛାତ୍ରସଙ୍ଘ ସଂସଦ ବାହାରେ ମାର୍ଚ୍ଚ କରି ବିକ୍ଷୋଭ କରିବାକୁ ପ୍ରସ୍ତୁତ ହୋଇଛି । ସେପଟେ ଜେଏନୟୁ ଛାତ୍ରଙ୍କୁ ସଂସଦ ଯିବାରୁ ରୋକିବା ପାଇଁ କଡା ପଦକ୍ଷେପ ନେଇଛି ଦିଲ୍ଲୀ ପୋଲିସ। ଏହାକୁ ଦୃଷ୍ଟିରେ ରଖି ସଂସଦର ଆଖପାଖ ଅଞ୍ଚଳରେ 144 ଧାରା ଲାଗୁ କରାଯାଇଛି।
ଅନ୍ୟପକ୍ଷରେ ଜେଏନୟୁ ଛାତ୍ର ଅସନ୍ତୋଷର ସମାଧାନ ପାଇଁ ମାନବ ସମ୍ବଳ ବିକାଶ ମନ୍ତ୍ରଣାଳୟ ଏକ କମିଟି ଗଠନ କରିବାକୁ ନିର୍ଦ୍ଦେଶ ଦେଇଛି । ଏହି କମିଟି ଛାତ୍ର ଏବଂ ଜେଏନୟୁ ପ୍ରଶାସନ ସହ ଆଲୋଚନା କରି ସମସ୍ତ ସମସ୍ୟାର ଶାନ୍ତି ପୂର୍ଣ୍ଣ ସମାଧାନ କରିବ ।
ଭିଡିଓ ସୌଜନ୍ୟ: ଏଏନଆଇ