'ଗୁଳିର ଜବାବ ଗୁଳିରେ ଦିଆଯିବ'

ଘାଟିରେ ଗୁଳିର ଜବାବ ଗୁଳିରେ ହିଁ ଦିଆଯିବ । ସାମ୍ନାପଟୁ ଗୁଳି କରୁଥିବା ଆତଙ୍କବାଦୀଙ୍କୁ ଫୁଲତୋଡା ଦେଇ ସ୍ବାଗତ କରାଯିବ ନାହିଁ ବୋଲି ରାଜ୍ୟପାଳ ସତ୍ୟପାଲ ମଲ୍ଲିକ କହିଛନ୍ତି ।

ଶ୍ରୀନଗର: ଆତଙ୍କବାଦକୁ ନେଇ କଡା ମନ୍ତବ୍ୟ ଦେଇଛନ୍ତି ଜମ୍ମୁ-କାଶ୍ମୀର ରାଜ୍ୟପାଳ ସତ୍ୟପାଲ ମଲ୍ଲିକ । ଘାଟିରେ ଗୁଳିର ଜବାବ ଗୁଳିରେ ହିଁ ଦିଆଯିବ । ସାମ୍ନାପଟୁ ଗୁଳି କରୁଥିବା ଆତଙ୍କବାଦୀଙ୍କୁ ଫୁଲତୋଡା ଦେଇ ସ୍ବାଗତ କରାଯିବ ନାହିଁ ବୋଲି ରାଜ୍ୟପାଳ କହିଛନ୍ତି ।

ଶ୍ରୀନଗରରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ସେ କହିଛନ୍ତି, ଶୁକ୍ରବାର ନମାଜ ପାଠ ପରେ ହେଉଥିବା ପଥରମାଡ ଏବେ ବନ୍ଦ ହେବାରେ ଲାଗିଛି । ଆମେ ଯୁବକଙ୍କ ମଧ୍ୟରେ ଏହି ପରିବର୍ତ୍ତନ ଚାହୁଁଛୁ । ଏଥିପାଇଁ ବିଭିନ୍ନ ଯୋଜନା କରିବାକୁ ବିଚାର ମଧ୍ୟ କରାଯାଉଛି । ତେବେ ସାମ୍ନାପଟୁ ଗୁଳିବିନିମୟ ହେଲେ ଏହାର ଜବାବ ଗୁଳିରେ ହିଁ ଦିଆଯିବ ବୋଲି ସେ କହିଛନ୍ତି ।