ଶ୍ରୀନଗର: ଜାମ୍ମୁକାଶ୍ମୀରର ଡିଡିସି ନିର୍ବାଚନ ଫଳାଫଳ ଆସିବା ପରେ ମତ ରଖିଛନ୍ତି କେନ୍ଦ୍ରମନ୍ତ୍ରୀ ଅନୁରାଗ ଠାକୁର । ଅନୁରାଗ କହିଛନ୍ତି କି କଂଗ୍ରେସ ଓ ପିଡିପି ତୁଳନାରେ ସ୍ବତନ୍ତ୍ର ପ୍ରାର୍ଥୀଙ୍କୁ ଭୋଟ ମିଳିଛି । ଯାହା ଏକ ଭଲ ସଂକେତ । କାଶ୍ମୀରରେ ତ୍ରିରଙ୍ଗା ଉ଼ଡାଇବା ପାଇଁ ମନା କରୁଥିବା ମେହେବୁବା ମୁଫତିଙ୍କୁ ଉତ୍ତର ମିଳିସାରିଥିବା କଥା କହିଛନ୍ତି ଅନୁରାଗ ।
ମୋଦୀଙ୍କ ଉପରେ ବଢୁ୍ଛି କାଶ୍ମିରବାସୀଙ୍କ ବିଶ୍ବାସ: ଅନୁରାଗ ଠାକୁର
ସେ ଆହୁରି ମଧ୍ୟ କହିଛନ୍ତି ଯେ ସବୁ ଦଳ ମିଶି ମଧ୍ୟ ନିର୍ବାଚନରେ ଭାରତୀୟ ଜନତା ପାର୍ଟିକୁ ରୋକିବାରେ ସଫଳ ହୋଇ ପାରିଲେ ନାହିଁ । ସେମାନଙ୍କ ରଣନୀତିକୁ ଭୁଲ ପ୍ରମାଣିତ କରି ବିଜେପି ଲୋକଙ୍କ ଆସ୍ଥା ପାଇବାରେ ସଫଳ ହୋଇଛି । ସେହିପରି ହାଇଦ୍ରାବାଦ ନଗର ନିଗମ ନିର୍ବାଚନରେ ମଧ୍ୟ ମୋଦିଜୀଙ୍କ ନେତୃତ୍ବରେ ଭଲ ପ୍ରଦର୍ଶନ କରିଛି ବିଜେପି ।