ଉଦ୍ଧମପୁରରେ ବସ ଦୁର୍ଘଟଣା: 6 ମୃତ, 38 ଗୁରୁତର

ସୁରାନସରରୁ ଶ୍ରୀନଗର ଅଭିମୁଖେ ଯାଉଥିବା ଏକ ମିନି ବସ ଭାରସାମ୍ୟ ହରାଇ ଉଦ୍ଧମପୁରର ମଜଲ୍‌ଟା ପାଖରେ ଓଲଟି ପଡିଥିଲା। ଏହି ଦୁର୍ଘଟଣାରେ 6 ଜଣଙ୍କର ମୃତ୍ୟୁ ଘଟିଥିବା ବେଳେ 38 ଜଣ ଗୁରୁତର ଆହତ ଅଛନ୍ତି।

ଉଦ୍ଧମପୁର: ଜମ୍ମୁ-କାଶ୍ମୀରର ଉଦ୍ଧାମପୁରରେ ଭୟଙ୍କର ସଡକ ଦୁର୍ଘଟଣା । ସୁରାନସରରୁ ଶ୍ରୀନଗର ଅଭିମୁଖେ ଯାଉଥିବା ଏକ ମିନି ବସ ଭାରସାମ୍ୟ ହରାଇ ଉଦ୍ଧମପୁରର ମଜଲ୍‌ଟା ପାଖରେ ଓଲଟିପଡିଛି। ଫଳରେ ଏକ ଗଭୀର ଖାଇରେ ପଡିଯାଇଥିଲା ଯାତ୍ରୀବାହୀ ବସ। ଏହି ଦୁର୍ଘଟଣାରେ 6 ଜଣଙ୍କର ମୃତ୍ୟୁ ଘଟିଥିବା ବେଳେ 38 ଜଣ ଗୁରୁତର ଆହତ ହୋଇଛନ୍ତି।

ଘଟଣାର ସୂଚନା ମିଳିବା ମାତ୍ରେ ପ୍ରଶାସନ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି। ଜମ୍ମୁ-କାଶ୍ମୀର ପୋଲିସ ଏହି ଦୁର୍ଘଟଣାର ସୂଚନା ଦେଇଛି। ଖାଇରେ ବସ ପଡିଯିବା ପରେ ଭୀଷଣ ଚିତ୍କାର ହୋଇଥିଲା। ଫଳରେ ସ୍ଥାନୀୟ ଲୋକେ ଉଦ୍ଧାରକାରୀ ଟିମ ଏବଂ ପୋଲିସକୁ ସୂଚନା ଦେଇଥିଲେ । ସେପଟେ ସମସ୍ତ ଗୁରୁତରଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।