ଅଯୋଧ୍ୟା ବିବାଦୀୟ ଢାଞ୍ଚା ଧ୍ବଂସ ମାମଲା ସମାପ୍ତ କରାଯାଉ: ଇକବାଲ୍ ହଂସାରୀ

ବିବାଦୀୟ ଢାଞ୍ଚା ଭାଙ୍ଗିବା ମାମଲାରେ ସିବିଆଇ କୋର୍ଟରେ ଯଥାଶୀଘ୍ର ମାମଲା ଶେଷ କରିବାକୁ ବାବରୀ ପକ୍ଷକାର ଇକବାଲ ହଂସାରୀ ସରକାରଙ୍କୁ ଅନୁରୋଧ କରିଛନ୍ତି।

ଲକ୍ଷ୍ନୌ: ବିବାଦୀୟ ଢାଞ୍ଚା ଭାଙ୍ଗିବା ମାମଲାରେ ସିବିଆଇ କୋର୍ଟରେ ଯଥାଶୀଘ୍ର ମାମଲା ଶେଷ କରିବାକୁ ବାବରୀ ପକ୍ଷକାର ଇକବାଲ ହଂସାରୀ ସରକାରଙ୍କୁ ଅନୁରୋଧ କରିଛନ୍ତି। ଗତ ବର୍ଷ ନଭେମ୍ବର 9 ରେ ରାମଜନ୍ମଭୂମି ବିବାଦ ଶେଷ ହୋଇଥିଲା। ଏବେ ବିବାଦୀୟ ଢାଞ୍ଚା ଭାଙ୍ଗିବା ପାଇଁ ସିବିଆଇ କୋର୍ଟ ଶୁଣାଣି କରୁଛନ୍ତି।

ସେ କହିଛନ୍ତି, କୋର୍ଟ ବିବାଦୀୟ ଢାଞ୍ଚାକୁ ନେଇ ରାୟ ଶୁଣାଇ ଦେଇଛନ୍ତି ଓ ମନ୍ଦିର ସପକ୍ଷରେ ରାୟ ଆସିଛି । ବର୍ତ୍ତମାନ ବାବରୀ ମସଜିଦକୁ ଭାଙ୍ଗିବା ନେଇ ସିବିଆଇ ପାଖରେ ଥିବା ମାମଲାକୁ ସମାପ୍ତ କରିବା ଆବଶ୍ୟକ । ସେ କହିଛନ୍ତି ଯେ ବର୍ତ୍ତମାନ ରାମଜନ୍ମଭୂମି-ବାବରୀ ମସଜିଦ ନାମରେ କୌଣସି ଝଗଡା ହେବା ଉଚିତ ନୁହେଁ। ଆମ ଦେଶରେ ସାମ୍ପ୍ରଦାୟିକ ନାମ ଭଳି କିଛି ନାହିଁ । ଦେଶରେ କୌଣସି ହିନ୍ଦୁ-ମୁସଲମାନ ବିବାଦ ହେବା ଉଚିତ ନୁହେଁ। ବର୍ତ୍ତମାନ ଏହି ବିଷୟକୁ ଆଗକୁ ନିଆଯିବା ଉଚିତ୍ ନୁହେଁ ।

ହଂସାରୀ କହିଛନ୍ତି ଯେ ଆମେ କେବଳ ଚାହୁଁଛୁ ଯେ ବର୍ତ୍ତମାନ ହିନ୍ଦୁ ଓ ମୁସଲମାନ ମଧ୍ୟରେ କୌଣସି ବିବାଦ ନ ହେଉ। ରାମଜନ୍ମଭୂମି-ବାବରୀ ମସଜିଦ ପ୍ରସଙ୍ଗକୁ ନେଇ 28 ବର୍ଷ ଧରି ରାଜନୀତି ଚାଲିଥିଲା। ସୁପ୍ରିମକୋର୍ଟ ମନ୍ଦିର ସପକ୍ଷରେ ନିଷ୍ପତ୍ତି ନେଇଥିଲେ ଓ ଏହି ନିଷ୍ପତ୍ତିକୁ ଉଭୟ ହିନ୍ଦୁ ଏବଂ ମୁସଲମାନ ସମ୍ମାନିତ କରିଥିଲେ।