ନୂଆଦିଲ୍ଲୀ: ଗୁଜୁରାଟ କ୍ୟାଡରର ବରିଷ୍ଠ ଆଇପିଏସ ଅଧିକାରୀ ଅନୁପ କୁମାର ସିଂହ ମଙ୍ଗଳବାର ନ୍ୟାଶନାଲ ସିକ୍ୟୁରିଟି ଗାର୍ଡ (ଏନଏସଜି)ର ମହାନିର୍ଦ୍ଦେଶ(ଡିଜି) ଭାବରେ ଦାୟିତ୍ବ ଗ୍ରହଣ କରିଛନ୍ତି ।
ଅକ୍ଟୋବର 18 ତାରିଖରେ ଶୁକ୍ରବାର ଗୃହ ମନ୍ତ୍ରଣାଳୟର ପ୍ରସ୍ତାବ ପରେ କ୍ୟାବିନେଟ ନିଯୁକ୍ତି ସମିତି 1985 ବ୍ୟାଚର ଆଇପିଏସ୍ ଅଧିକାରୀ ଅନୁପଙ୍କୁ ଏନଏସଜି ଡିଜି ଦାୟିତ୍ବ ଭାର ପ୍ରଦାନ କରିଛନ୍ତି । ସେ 30 ଡିସେମ୍ବର 2020 ପର୍ଯ୍ୟନ୍ତ ଏହି ପଦରେ ରହିବେ ।
ଆଇପିଏସ ଅଧିକାରୀ ଅନୁପ କୁମାର ସିଂହ, ‘ବ୍ଲାକ୍ କ୍ୟାଟ୍ କମାଣ୍ଡୋ’ ବାହିନୀର ଡିଜି ପଦ ସମ୍ଭାଳିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗଠିତ ମନ୍ତ୍ରୀମଣ୍ଡଳର ନିଯୁକ୍ତି କମିଟି ଦ୍ବାରା ଅନୁପଙ୍କୁ ଡିଜି ପଦ ଭାର ସମ୍ଭାଳିବା ପାଇଁ ମଞ୍ଜୁରୀ ପ୍ରଦାନ କରାଯାଇଥିଲା ।
ଏଠାରେ ସୂଚନା ଯୋଗ୍ୟ ଯେ 1984ରେ ଏନଏସଜିର ସ୍ଥାପନା କରାଯାଇଥିଲା । ଏହାର ମୁଖ୍ୟ କାର୍ଯ୍ୟାଳାୟ ଗୁରଗାଓଁରେ ଅବସ୍ଥିତ । ଏହାର ନାରା ହେଉଛି ସର୍ବତ୍ର ସର୍ବୋତ୍ତମ ସୁରକ୍ଷା, ନେଭର୍ ସେ ଗିଭ୍ ଅପ୍ । ଏମାନଙ୍କୁ ବ୍ଲାକ୍ କ୍ୟାଟ୍ କମାଣ୍ଡୋ, ନ୍ୟାସନାଲ ସିକ୍ୟୁରିଟି ଗାର୍ଡ ଓ ଏନ୍ଏସ୍ଜି ମଧ୍ୟ କୁହାଯାଏ ।