ନୂଆଦିଲ୍ଲୀ: କରତାରପୁର ସାହିବ କରିଡର ମାମଲାରେ ପାକିସ୍ତାନ କୂଟନୈତିଜ୍ଞଙ୍କୁ ସମନ ଜାରି କରିଛି ଭାରତୀୟ ବୈଦେଶିକ ମନ୍ତ୍ରଣାଳୟ । ନିକଟରେ କରତାରପୁର କରିଡରକୁ ଟ୍ରଷ୍ଟ ହାତରେ ହସ୍ତାନ୍ତର କରିଦେଇଛି ପାକିସ୍ତାନ । ତେବେ ଏହା ଉପରେ କଡା ଆପତ୍ତି ଜାରି କରିଛି ଭାରତ ।
ଗୁରୁବାର ଭାରତୀୟ ବୈଦେଶିକ ମନ୍ତ୍ରଣାଳୟ କହିଛି ଯେ ଆମେ ପାକିସ୍ତାନରେ ଗୁରୁଦ୍ବାର କରତାରପୁର ସାହିବ କରିଡରର ପରିଚାଳନା ତଥା ରକ୍ଷଣାବେକ୍ଷଣ ଦାୟିତ୍ବ ପାକିସ୍ତାନ ଶିଖ ଗୁରୁଦ୍ବାର କମିଟି ଠାରୁ ନେଇ ଅନ୍ୟ ଏକ ଟ୍ରଷ୍ଟ ହାତରେ ହସ୍ତାନ୍ତର କରିବା ନେଇ ଖବର ପାଇଛୁ । ପାକିସ୍ତାନର ଏହି ନିଷ୍ପତ୍ତି ନିନ୍ଦନୀୟ ବୋଲି କହିଛି ଭାରତ ।