ରୋହତକ: ସକାଳ ଜଳଖିଆ କଥା ଚିନ୍ତା କଲେ, ପ୍ରଥମେ ସମସ୍ତଙ୍କ ମନକୁ ଆସେ ଗରମ ଗରମ ପରଟା । ଆଉ ଘରୁ କାମରେ ବାହାରିବା ପୂର୍ବରୁ ଯଦି ଜଳଖିଆରେ ସ୍ବାଦିଷ୍ଟ ପରଟା ମିଳିଯାଏ ତ, ମନ ଆହୁରି ଖୁସି ହୋଇଯାଏ । ହେଲେ ଯଦି ଘର ତିଆରି ସାଧାରଣ ପରଟା ଠାରୁ କେତେ ଗୁଣା ଅଧିକ ବଡ ପରଟା ଖାଇବାକୁ ମିଳେ ତ ଆପଣଙ୍କୁ କେମିତି ଲାଗିବ । ଆଜି ଆମେ ହରିୟାଣା ରୋହତରେ ଥିବା ତପସ୍ୟା ପରଟା ଜଙ୍କସନ ବିଷୟରେ କହିବାକୁ ଯାଉଛୁ । ଯାହା ଭାରତର ସବୁଠୁ ବଡ ପରଟାର ଦାବି କରୁଛି ।
ଭାରତର ସବୁଠୁ ବଡ ପରଠା
ଏହି ଅଢେଇ ଫୁଟ ଆକାର ପରଟାକୁ ଖାଇବାକୁ ଜଣେ କି ଦୁଇ ଜଣ ନୁହେଁ, ବରଂ ଚାରି ଚାରି ଜଣ ଲୋକ ଦରକାର ପଡେ । ଏନେଇ ତପସ୍ୟା ଜଙ୍କସନରେ ପଚରା ଉଚରା ପରେ ସେଠାରେ ବାସ୍ତବରେ ଭାରତର ସବୁଠୁ ବଡ ପରଟା ତିଆରି ହେଉଥିବା କଥା ଜଣାପଡିଥିଲା। ଯାହାର ଆକାର ଅଢେଇ ଫୁଟ ରହିଥିବାବେଳେ ଏଥିରେ ପାଖାପଖି 2କେଜି ସାମଗ୍ରୀ ଆବଶ୍ୟକ ହୁଏ । ଏହାକୁ ଖାଇବାକୁ ରୋହତକରୁ ନୁହେଁ ବରଂ ଦୂରଦୂରାନ୍ତରୁ ଲୋକେ ଆସନ୍ତି ।