ନୂଆଦିଲ୍ଲୀ: ଲଗାମ ଲାଗୁନି ଦିଲ୍ଲୀ ପ୍ରଦୂଷଣରେ । ଦିନକୁ ଦିନକୁ ଅତି ସାଙ୍ଘାତିକ ହେବାରେ ଲାଗୁଛି ବାୟୁମଣ୍ଡଳ । ଧୂଳି, ଧୂଆଁରେ ଆଚ୍ଛାଦିତ ପରିବେଶରେ ଛଟପଟ ହେଉଛନ୍ତି ରାଜଧାନୀବାସୀ । ଶୁଦ୍ଧ ପରିବେଶ ତ ଛାଡ ନିଶ୍ବାସ-ପ୍ରଶ୍ବାସ ନେବା ପାଇଁ ଏଠି କଷ୍ଟକର ହୋଇପଡିଲାଣି । ଫଳରେ ବାଧ୍ୟ ହୋଇ ଲୋକଙ୍କୁ କିଣିବାକୁ ପଡୁଛି ଶୁଦ୍ଧ ପବନ । ତାହା ପୁଣି ମାତ୍ର 15 ମିନିଟ ପାଇଁ ।
ଦେଶରେ ପ୍ରଥମ ଥର ପାଇଁ ଏହି ଅକ୍ସିଜେନ ବାର ଖୋଲାଯାଇଛି । ଯେଉଁଠି ଶୁଦ୍ଧ ପବନ କିଣିବାକୁ ପଡୁଛି । ମାତ୍ର 15 ମିନିଟ ସମୟ ପାଇଁ ଦେବାକୁ ପଡୁଛି 299ଟଙ୍କା ।ଦକ୍ଷିଣ ଦିଲ୍ଲୀର ଆର୍ଯ୍ୟବୀର କୁମାର ନାମକ ଏକ ଯୁବକ ଚଳିତ ବର୍ଷ ମେ' ମାସରେ ଏହି 'ଅକ୍ସିଜେନ ବାର' ଖୋଲିଥିଲେ । ଯାହାର ନାଁ ରଖାଯାଇଛି 'ଅକ୍ସି ପିଓର' । ମୁଖ୍ୟତଃ ଏଠାକୁ ବିଷଦଗାର, ନିଦ୍ରାହୀନତା ଓ ହ୍ୟାଙ୍ଗଓଭୋର ଭଳି ଲୋକମାନେ ଏଠାକୁ ଆସିଥାନ୍ତି ।