ଦ ହେଗ୍(ନେଦରଲାଣ୍ଡ): ପୁଲୱାମା ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ତିକ୍ତତା ଚରମ ସୀମାରେ ପହଞ୍ଚିଛି । ପାକିସ୍ତାନକୁ ବିଭିନ୍ନ କ୍ଷେତ୍ରରେ ଏକଘରକିଆ କରିବା ପାଇଁ ଭାରତ ପକ୍ଷରୁ ଉଦ୍ୟମ ଜାରି ହୋଇଛି । ଏହି ପ୍ରତିଶୋଧର ନିଆଁ ଅନ୍ତର୍ଜାତୀୟ ସ୍ତରରେ ମଧ୍ୟ ଦେଖିବାକୁ ମିଳିଛି ।
ଆଜି ନେଦରଲାଣ୍ଡର ଦ ହେଗ୍ଠାରେ କୁଳଭୂଷଣ ଯାଦବ ମାମଲାର ଶୁଣାଣି ବେଳେ ପାକିସ୍ତାନର ବୈଦେଶିକ ମନ୍ତ୍ରଣାଳୟର ଜଣେ ଅଧିକାରୀଙ୍କୁ ଅପଦସ୍ତ କରିଛନ୍ତି ଭାରତୀୟ ଅଧିକାରୀ । ମାମଲା ଆରମ୍ଭ ହେବା ପୂର୍ବରୁ ପାକିସ୍ତାନର ଏଜି ଅନୱର ମନସୁର ଖାନ ଭାରତର ବୈଦେଶିକ ମନ୍ତ୍ରଣାଳୟର ଯୁଗ୍ମ ସଚିବ ଦୀପକ ମିତ୍ତଲଙ୍କ ସହ ହାତ ମିଳାଇବାକୁ ଆସିଥିଲେ । ଅଦାଲତରେ ଯୁକ୍ତି ଉପସ୍ଥାପନା କରିବା ପୂର୍ବରୁ ସମ୍ମାନର ନିଦର୍ଶନ ପୂର୍ବକ ଅନୱର ହାତ ମିଳାଇବା ପାଇଁ ଆସିଥିଲେ ।