ଚୀନ ସେନା ଦ୍ବାରା ଅଟକ ନାହାଁନ୍ତି ପାଟ୍ରୋଲିଂ ପାର୍ଟି, ଭାରତୀୟ ସେନା କଲା ଖଣ୍ଡନ

ଲଦାଖରେ ଚୀନ୍ ସେନା ଦ୍ୱାରା ଅଟକ ରଖାଯାଇଥିବା ମିଳିତ ପାଟ୍ରୋଲିଂ ପାର୍ଟିର ଗିରଫଦାରୀ ସମ୍ପର୍କକୁ ଭାରତୀୟ ସେନା ପକ୍ଷରୁ ପ୍ରତ୍ୟାଖ୍ୟାନ କରାଯାଇଛି।

ନୂଆଦିଲ୍ଲୀ: ଲଦାଖରେ ଚୀନ୍ ସେନା ଦ୍ୱାରା ଅଟକ ରଖାଯାଇଥିବା ମିଳିତ ପାଟ୍ରୋଲିଂ ପାର୍ଟିର ଗିରଫଦାରୀ ସମ୍ପର୍କକୁ ଭାରତୀୟ ସେନା ପକ୍ଷରୁ ପ୍ରତ୍ୟାଖ୍ୟାନ କରାଯାଇଛି। ଆର୍ମି ଏବଂ ଇଣ୍ଡୋ-ତିବ୍ଦତୀୟ ସୀମା ପୋଲିସ (ଆଇଟିବିପି) କର୍ମଚାରୀଙ୍କୁ ନେଇ ଏକ ଭାରତୀୟ ପାଟ୍ରୋଲିଂ ପାର୍ଟିକୁ ଗତ ସପ୍ତାହରେ ସୀମା ନିୟନ୍ତ୍ରଣ ନିକଟରେ ଲଦାଖରେ ସଂଘର୍ଷ ପରେ ଗିରଫ କରାଯାଇଥିଲା।

ରିପୋର୍ଟରେ ଦର୍ଶାଯାଇଛି ଯେ, ଭାରତୀୟ ପାଟ୍ରୋଲିଂ ପାର୍ଟିକୁ ବିପକ୍ଷ ପଟରୁ ଅଟକ ରଖାଯାଇଥିଲା ଏବଂ ସେମାନଙ୍କ ଅସ୍ତ୍ରଶସ୍ତ୍ର ଚୀନ୍ ଦ୍ୱାରା ଛଡ଼ାଯାଇଥିଲା ଏବଂ ସ୍ଥାନୀୟ ସ୍ତରରେ ଉଭୟ ପକ୍ଷଙ୍କ ଆଲୋଚନା ପରେ ସେମାନଙ୍କୁ ମୁକ୍ତ କରାଯାଇଥିଲା। ହେଲେ ଏହାକୁ ଭାରତୀୟ ସେନା ଖଣ୍ଡନ କରିଛି।

ଚୀନ୍ ସୈନ୍ୟମାନେ ଭାରତୀୟ ଅଞ୍ଚଳକୁ ଅନୁପ୍ରବେଶ କରିଥିବା ଏବଂ ପାଙ୍ଗଙ୍ଗ ହ୍ରଦରେ ମୋଟର ବୋଟ ସହିତ ଆକ୍ରମଣାତ୍ମକ ପାଟ୍ରୋଲିଂ ମଧ୍ୟ କରୁଥିବା ଅଭିଯୋଗ ହୋଇଥିଲା। ଏହା ଉପରେ ଭାରତୀୟ ସେନା ସୂତ୍ରରୁ ପ୍ରକାଶ ଯେ ଏହି ସମସ୍ତ ରିପୋର୍ଟ ମିଥ୍ୟା ଅଟେ।

ଗତ ସପ୍ତାହରେ ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ଚୀନ୍ ଅଭିଯୋଗ କରିଛି ଯେ ଭାରତ ଗାଲୱାନ୍ ଉପତ୍ୟକାରେ ଏକ ଢାଞ୍ଚା ନିର୍ମାଣ କରିବାକୁ ଚେଷ୍ଟା କରିଛି। ବର୍ତ୍ତମାନର ଭାରତ-ଚୀନ୍ ମୁହାଁମୁହିଁ ସ୍ଥାନ ଚୀନ୍ ଅଧିକୃତ-ଲଦାଖର ଗାଲୱାନ୍ ଭ୍ୟାଲିରେ ଅକ୍ତିଆର କରିବାକୁ ଚେଷ୍ଟା କରୁଛି।