ଚଣ୍ଡିଗଡ: ଜାମ୍ମୁ-କାଶ୍ମୀରରୁ ଧାରା 370 ଉଚ୍ଛେଦ ପରେ ମୁଣ୍ଡ ପିଟି କାନ୍ଦୁଛି ପାକିସ୍ତାନ । ଭାରତ ବିରୋଧୀ ପଦକ୍ଷେପ ନେବା ପାଇଁ ପ୍ରତିକ୍ରିୟାଶୀଳ ହୋଇ ଉଠିଛି । ଗୋଟିଏ ପଟେ ବେସାହାରା ପାକିସ୍ତାନକୁ କେଉଁ ଆଡୁ ମିଳୁନାହିଁ ସମର୍ଥନ, ଅନ୍ୟପଟେ ପଛକୁ ପଛ ଚେତାବନୀ ପୂର୍ଣ୍ଣ ବୟାନ ପାକିସ୍ତାନକୁ ଦେଉଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ସେ ସଦ୍ୟ ବୟାନରେ ପାକିସ୍ତାନ ସହ ଯାହା ବି ଆଲୋଚନା ହେବ ତାହା କେବଳ ପାକ୍ ଅଧିକୃତ କାଶ୍ମୀର(ପିଓକେ) ଉପରେ ହିଁ ହେବ ବୋଲି କହିଛନ୍ତି ।
ଫଟୋ ସୌଜନ୍ୟ: ସୋସିଆଲ ମିଡିଆ,ଟ୍ହିଟର@rajnathsingh
ରବିବାର ପ୍ରତିରକ୍ଷା ମନ୍ତ୍ରୀ ହରିୟାଣାର କାଲକାରେ ଏକ ଜନସଭାକୁ ସମ୍ଵୋଧିତ କରି ଏହି କଥା କହିଛନ୍ତି। ସେ କହିଛନ୍ତି ଯେ ଧାରା 370 ଓ 35(A) ହଟିଲା ପରେ ଆମ ପଡୋଶୀ ବିଚଳିତ ହୋଇଯାଇଛି । ବାରଦୁଆର ବୁଲି ସାହାଯ୍ୟ ଭିକ୍ଷା ପାଇଁ କବାଟ ଠକ୍ଠକ କରୁଛି ଏହି ଦେଶ ।
ଏହାସହ ସେ ଆହୁରି କହିଛନ୍ତି ଯେ କିଛି ଲୋକ ପାକିସ୍ତାନ ସହ ଆଲୋଚନା କରିବା କଥା କହୁଛନ୍ତି । ମାତ୍ର ଯେ ପର୍ଯ୍ୟନ୍ତ ପାକିସ୍ତାନ ଆତଙ୍କବାଦକୁ ସମର୍ଥନ ଦେବା ବନ୍ଦ ନକରିଛି ସେତେ ପର୍ଯ୍ୟନ୍ତ କୌଣସି ପ୍ରକାର କଥାବାର୍ତ୍ତା ପାକିସ୍ତାନ ସହ ହେବ ନାହିଁ । ଯଦି ଆଗକୁ ଯାହା ବି କିଛି ଆଲୋଚନା ହେବ ତାହା ପିଓକେ ଉପରେ ହେବ ବୋଲି ସ୍ପଷ୍ଟ କରିଛନ୍ତି ।
ଏଠାରେ ସୂଚନା ଯୋଗ୍ୟ ଯେ ଗଲାା ଶୁକ୍ରବାର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ରାଜସ୍ଥାନର ପୋଖରାନଠାରେ ଦିବଙ୍ଗତ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିବା ପରେ ପରମାଣୁ ଅସ୍ତ୍ର ପ୍ରୟୋଗ ଉପରେ ବଡ ବୟାନ ଦେଇଛନ୍ତି ପ୍ରତିରକ୍ଷା ମନ୍ତ୍ରୀ । ରାଜନାଥ କହିଥିଲେ ଯେ ଭାରତ ପରମାଣୁ ଅସ୍ତ୍ର ଗୁଡିକ ପାଇଁ ‘ନୋ ଫାଷ୍ଟ ୟୁଜ’ (NFU) କିମ୍ବା ‘ପ୍ରଥମେ ବ୍ୟବହାର କରାଯିବ ନାହିଁ ‘ ନୀତି ଆଜି ପର୍ଯ୍ୟନ୍ତ ରହିଥିବା କହିଛନ୍ତି | ମାତ୍ର ଭବିଷ୍ୟତରେ କଣ ହେବ ତାହା ପରିସ୍ଥିତି ଉପରେ ନିର୍ଭର କରେ ବୋଲି ସେ କହିଛନ୍ତି । ଏହା କହି ପରୋଷରେ ସେ ପାକିସ୍ତାନକୁ ଚେତାବନୀ ଦେଇଥିଲେ
