ନୂଆଦିଲ୍ଲୀ: କେନ୍ଦ୍ରଶାସିତ ଅଞ୍ଚଳ ଲଦାଖରେ ଚୀନ ସେନାର ଗାଡି ପ୍ରବେଶ କରିଥିବା ନେଇ ଏକ ଭିଡିଓ ଭାଇରାଲ ହୋଇଥିଲା । ଭିଡିଓରେ ଚୀନ ସେନା ଲଦାଖରେ ପ୍ରବେଶ କରି ସ୍ଥାନୀୟ ଅଧିବାସୀଙ୍କୁ ଗାଳିଗୁଲଜ କରିବା ସହ ଫେରିଯାଇଥିବାର ଦାବି କରାଯାଇଥିଲା । ତେବେ ସୋମବାର ଏହି ଭିଡିଓର ସତ୍ୟତାକୁ ଖଣ୍ଡନ କରିଛନ୍ତି ଭାରତ ସରକାର ।
ଲଦାଖରେ ଚୀନ ସୈନ୍ୟ ପ୍ରବେଶ ପ୍ରସଙ୍ଗ, ଭିଡିଓର ସତ୍ୟତାକୁ ଖଣ୍ଡନ କଲା ଭାରତ
ସରକାରୀ ସୂଚନା ଅନୁଯାୟୀ ଏହି ଭିଡିଓଟି ପୁରୁଣା ଓ ସ୍ଥାନୀୟ ମାମଲା । ସରକାରୀ ସୂତ୍ରରୁ ଆସିଥିବା ବୟାନ ଅନୁଯାୟୀ ଭାଇରାଲ ହେଉଥିବା ଭିଡିଓଟି ପୁରଣା । ସ୍ଥାନୀୟ ପ୍ରଶାସନ ସହ ଏନେଇ ଆଲୋଚନା ହୋଇଛି । କୌଣସି ଚୀନ ସୈନ୍ୟ ଭାରତର କେନ୍ଦ୍ରଶାସିତ ଅଞ୍ଚଳ ଲଦାଖରେ ପ୍ରବେଶ କରି ନଥିବା ସ୍ପଷ୍ଟ କରିଛନ୍ତି ସରକାର ।