ନୂଆଦିଲ୍ଲୀ: ଜମ୍ମୁ-କାଶ୍ମୀର ବର୍ଡରରେ ପାକିସ୍ତାନର ଅସ୍ତ୍ରବିରତି ଉଲଂଘନ ଜାରି ରହିଛି । ଆତଙ୍କୀ କାର୍ଯ୍ୟକଳାପକୁ ସକ୍ରିୟ କରି ଘାଟିରେ ଅଶାନ୍ତି ଓ ଅସ୍ଥିରତା ସୃଷ୍ଟି କରୁଛି ପାକିସ୍ତାନ । ଏହି ଭଳି ଉତ୍ତେଜନାମୂଳକ ପରିସ୍ଥିତି ଲାଗି ରହିଲେ ଭାରତ ଚୁପ ବସିବ ନାହିଁ । ଫଳରେ ଆଗାମୀ ଦିନର ଏକ ଭୟଙ୍କର ଯୁଦ୍ଧ ଆଡକୁ ମୁହାଁଇବା ଆଶଙ୍କାକୁ ଏଡାଇ ଦିଆଯାଇନପାରେ । ଦୁଇ ପରମାଣୁ ଶକ୍ତି ସମ୍ପନ୍ନ ରାଷ୍ଟ୍ର ଯୁଦ୍ଧ ମୁଖା ହେଲେ ପ୍ରାୟ 12କୋଟି ଲୋକ ପୋକମାଛି ପରି ନିମିଷକେ ପ୍ରାଣ ହରାଇବେ ବୋଲି ଏକ ଅନୁଧ୍ୟାନରୁ ଜଣାପଡିଛି ।
ଦି ମ୍ୟୁନିକ ସିକ୍ୟୁରିଟି ରିପୋର୍ଟ-2020ରେ ଭାରତ ପାକିସ୍ତାନ ମଧ୍ୟରେ ଯଦି ଯୁଦ୍ଧ ହୁଏ ତେବେ 50-125 ମିଲିୟନ ଲୋକ ପ୍ରାଣ ହରାଇବେ । ଏହି ଯୁଦ୍ଧ 2025 ମଧ୍ୟରେ ହୋଇପାରେ ବୋଲି ରିପୋର୍ଟରେ କୁହାଯାଇଛି । ଭାରତ, ପାକିସ୍ତାନ ମଧ୍ୟରେ ଯୁଦ୍ଧ ହେଲେ ଏଥିରେ ଚୀନ ମଧ୍ୟ ସାମିଲ ରହିବ । ପୁଲୱାମା ଆଟାକ ପରେ ଭାରତ ଓ ପାକିସ୍ତାନ ମଧ୍ୟରେ କିଭଳି ଭାବରେ ଯୁଦ୍ଧ ପରିସ୍ଥିତି ସୃଷ୍ଟି ହୋଇଥିଲା ରିପୋର୍ଟରେ କୁହାଯାଇଛି । ଅଳ୍ପକେ ଏକ ବିରାଟ ଯୁଦ୍ଧରୁ ଆଶଙ୍କା ଟଳି ଯାଇଥିବା ରିପୋର୍ଟରେ କୁହାଯାଇଛି ।