ହାଇଦ୍ରାବାଦ: ବର୍ତ୍ତମାନ ପରିସ୍ଥିତିରେ ଶରୀରକୁ ସୁସ୍ଥ ଓ ନିରୋଗ ରଖିବା ସମସ୍ତଙ୍କ ଲକ୍ଷ୍ୟ ହେବା ଉଚିତ । ରୋଗ ପ୍ରତିଷେଧକ ଶକ୍ତି ବଢାଇବା ଉପରେ ଗୁରୁତ୍ବ ଦେବା ଜରୁରୀ । ଖାଦ୍ୟପେୟ ସହ ସଠିକ ସମୟ ଓ ମାତ୍ରାରେ ପାଣି ପିଇବା ଆବଶ୍ୟକ । ତେବେ ସାଧାରଣ ପାଣି ଅପେକ୍ଷା ଆୟୁର୍ବେଦିକ ପାଣି ପିଇବା ଆପଣଙ୍କ ସ୍ବାସ୍ଥ୍ୟ ପକ୍ଷେ ସୁସ୍ଥ ଓ ହିତ । ଶରୀରକୁ ଶକ୍ତି ଦେବାରେ ଆୟୁର୍ବେଦିକ ଦ୍ରବ୍ୟ ଗୁରୁତ୍ବପୂର୍ଣ ଭୂମିକା ନେଇଥାଏ । ଏହି ସମୟରେ ମଧ୍ୟ ଡାକ୍ତରମାନେ ଆୟୁର୍ବେଦିକ ପାଣି ଉପରେ ଗୁରୁତ୍ବ ଦେଉଛନ୍ତି । ଏନେଇ ଆଜି ଆମେ ଆପଣଙ୍କୁ ପାଣି ପିଇବାର ସଠିକ ସମୟ ଓ ଉପାୟ ଉପରେ କିଛି ଉପକାରୀ ଟିପ୍ସ ଦେବୁ ।
- କିଛି ତାଜା ତୁଳସୀ ଓ ପୁଦିନା ପତ୍ରରେ ଛୋଟ ଛୋଟ ଅଦା ଖଣ୍ଡ ମିଶାଇ 2 ଲିଟର ପାଣିରେ ରଖିଦିଅନ୍ତୁ । ଏହା ଭଲ ଭାବେ ମିଶ୍ରଣ ହେବା ପରେ ଏହାକୁ ପିଇବେ ।
- 2 କପ ଗରମ ପାଣିରେ 7ଟି ହର୍ବାଲ ଚା’ ବ୍ୟାଗ ମିଶାଇ କିଛି ସମୟ ଫ୍ରିଜରେ ରଖିଦିଅନ୍ତୁ । ଏହାପରେ ଏହି ପାଣି କାଢି ପିଇପାରିବେ ।
- ଗୋଟିଏ ଗ୍ଲାସ ପାଣିରେ ଫାଳେ ଲେମ୍ବୁ ଚିପୁଡି ଏକ ଘଣ୍ଟା ରଖିଦିଅନ୍ତୁ । ଏଥିରେ ମହୁ କିମ୍ବା ଜଲଜିରା ମିଶାଇ ପାରିବେ । ଏହାପରେ ଏହି ପାଣି ପିଅନ୍ତୁ । ଲେମ୍ବୁରେ ଭିଟାମିନ ସି ଥାଏ ଯାହା ଆପଣଙ୍କ ଶରୀରକୁ ପ୍ରୋଟିନ ଯୋଗାଇବ ।