ଚେନ୍ନାଇ: ନିଲମ୍ବିତ ଆଇଏସ ଅଧିକାରୀ ବିଜୟ ଶଙ୍କରଙ୍କ ଆତ୍ମହତ୍ୟା। ବେଙ୍ଗାଲୁରରେ ଥିବା ବାସଭବନରୁ ତାଙ୍କୁ ମୃତଦେହ ଉଦ୍ଧାର କରାଯାଇଛି। ତେବେ 4000 କୋଟିର ଲାଞ୍ଚ ନେଇ ତଦନ୍ତ ଜାଲରେ ଛନ୍ଦି ହୋଇଥିବା ଏହି ଅଧିକାରୀ ଜଣକ ଉକ୍ତ ଘଟଣା ପାଇଁ ମଙ୍ଗଳବାର ଆତ୍ମହତ୍ୟା କରିଥିବା ଜଣାପଡିଛି।
ସୂଚନା ଥାଉକି, ଗତ ବର୍ଷ ବିଜୟ ଶଙ୍କରଙ୍କୁ IMA ପୋନଜି ଘୋଟାଲାରେ ଛାନଭିନ୍ କରୁଥିବା ଏକ ସ୍ୱତନ୍ତ୍ର ଅନୁସନ୍ଧାନକାରୀ ଦଳ ଗିରଫ କରିଥିଲା। ଏହା ପରେ ତାଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଥିଲା। ଏଥିରେ ହଜାର ହଜାର ନିବେଶକ ପୁଞ୍ଜୀ ନିବେଶ କରି ଠକାମିର ଶିକାର ହୋଇଥିଲେ।
ବେଙ୍ଗାଲୁରୁ ପୋଲିସ କମିଶନର ଭାସ୍କର ରାଓ କହିଛନ୍ତି, "ବିଜୟ ଶଙ୍କର ନିଜକୁ ଫାଶୀ ଦେଇ ଆତ୍ମହତ୍ୟା କରିଛନ୍ତି। ସେ ଆଇଏମଏ ଘୋଟାଲାରେ 1.5 କୋଟି ଟଙ୍କା ଲାଞ୍ଚ ନେଇଥିବା ଅଭିଯୋଗ ହୋଇଥିଲା। ଏହା ଏକ ସ୍ୱାଭାବିକ ମୃତ୍ୟୁ ଏବଂ ଆମେ ଏହି ଘଟଣାର ତଦନ୍ତ କରୁଛୁ।
ଗତ ମାସରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଏହି ଅଧିକାରୀଙ୍କ ସହ ଅନ୍ୟ ଦୁଇଜଣଙ୍କ ବିରୋଧରେ ମାମଲା ରୁଜୁ କରିବାକୁ କର୍ଣ୍ଣାଟକ ସରକାରଙ୍କ ଅନୁମତି ମାଗିଥିଲା। ଏହି ଦୁର୍ନୀତିର ମୁଖ୍ୟ ଅଭିଯୁକ୍ତ ହେଉଛନ୍ତି ମହମ୍ମଦ ମାନସୁର ଖାନ।ଏହି ବ୍ୟକ୍ତି ଜଣକ 2013 ରେ ପୁଞ୍ଜି ଯୋଜନା ଆରମ୍ଭ କରିଥିଲେ।
ସିବିଆଇର ଏକ ଅନୁସନ୍ଧାନରୁ ଜଣାପଡିଛି ଯେ ଆଇଏମଏ ଗ୍ରୁପ ସଂସ୍ଥାଗୁଡ଼ିକ 4,000 କୋଟି ଟଙ୍କାରୁ ଅଧିକ ବେଆଇନ ତଥା ଅନଧିକୃତ ଟଙ୍କା ସଂଗ୍ରହ କରିଛନ୍ତି। ଏହାକୁ ନିବେଶକ ଆୟକର ବିଭାଗ ଏବଂ ଆରବିଆଇର ଦୃଷ୍ଟି ଆକର୍ଷଣ କରିଥିଲା ।
ମନସୁର ଖାନ ଦୁବାଇକୁ ପଳାଇ ଯାଇ ଏକ ଭିଡିଓ ବାର୍ତ୍ତା ଛାଡି କହିଛନ୍ତି ଯେ ରାଜ୍ୟ ତଥା କେନ୍ଦ୍ର ସରକାରରେ ଦୁର୍ନୀତି ହେତୁ ସେ ନିଜକୁ ହତ୍ୟା କରୁଛନ୍ତି। ଗତ ବର୍ଷ ଜୁଲାଇ 19 ରେ ଖାନଙ୍କୁ ନୂଆଦିଲ୍ଲୀରେ ଗିରଫ କରାଯାଇଥିଲା। ତାଙ୍କ ସହ ଆଇଏମଏର 6 ଜଣ ନିର୍ଦ୍ଦେଶକ, ଜଣେ କର୍ପୋରେଟର ଏବଂ ଅନ୍ୟ କେତେକଙ୍କୁ ଏସଆଇଟି ଗିରଫ କରିଥିଲା।
