ନୂଆଦିଲ୍ଲୀ: ସାରା ବିଶ୍ବରେ କୋରୋନା ତାର କାୟା ମେଲାଇଛି । କୋରୋନା ଭୂତାଣୁ ସମ୍ବନ୍ଧୀୟ ସ୍ବାସ୍ଥ୍ୟ ଓ ନିରାପତ୍ତା ପ୍ରୋଟକଲଗୁଡିକର ସଠିକ ବିନିଯୋଗ ନେଇ ଜର୍ମାନୀର ଫ୍ରାଙ୍କଫୁର୍ଟ ବିମାନବନ୍ଦର ଓ ଚେନ୍ନାଇର ଚେଙ୍ଗଡୁ ଶୁଆଙ୍ଗଲିୟୁ ବିମାନବନ୍ଦର ସହ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର ଦ୍ବିତୀୟ ସ୍ଥାନ ଅଧିକାର କରିଛି ।
ଏପରି ଘଡିସନ୍ଧି ମୂହୁର୍ତ୍ତରେ କେରୋନା ଭାଇରସର ବିସ୍ତାରକୁ ରୋକିବା ପାଇଁ ଆଇଜିଆଇ ବିଶ୍ବବ୍ୟାପୀ ଦ୍ବିତୀୟ ନିରାପଦ ବିମାନବନ୍ଦର ଭାବରେ ପ୍ରମାଣିତ ହୋଇଛି ବୋଲି କହିଛି ଦିଲ୍ଲୀ ଆନ୍ତର୍ଜାତୀୟ ବିମାନବନ୍ଦର ନିଗମ । ଯାତ୍ରୀମାନେ ନିରାପଦ ଭାବରେ ଯାତ୍ରା କରୁଛନ୍ତି କି ନାହିଁ ତାହା ସେଫ୍ ଟ୍ରାଭେଲ ବାରୋମିଟର ତଦାରଖ କରିଥାଏ ଯାହାକି କୋରୋନା ମହାମାରୀ ସମୟରେ ସ୍ବାସ୍ଥ୍ୟ ଏବଂ ସୁରକ୍ଷା ପ୍ରୋଟୋକଲଗୁଡିକର କାର୍ଯ୍ୟକାରିତା ଉପରେ 200 ରୁ ଅଧିକ ବିମାନବନ୍ଦରର ମୂଲ୍ୟାଙ୍କନ କରିଥିଲା । ଯାତ୍ରୀଙ୍କ ସ୍ବାସ୍ଥ୍ୟ ଏବଂ ନିରାପତ୍ତା ପ୍ରୋଟୋକଲ ଉପରେ ନଜର ରଖିବା ପାଇଁ ସେଫ୍ ଟ୍ରାଭେଲ ବାରୋମିଟର ବିଶ୍ବର ସର୍ବବୃହତ୍ ତଥା ବିସ୍ତୃତ ଉପକରଣ ବୋଲି ଡିଆଇଏଲ ପକ୍ଷରୁ ଜାରି ବିବୃତ୍ତିରେ ଦର୍ଶାଯାଇଛି ।