'ସରକାରରେ ମିଶିଲେ ମିଳିବ ମନ୍ତ୍ରୀ ପଦ'

ସରକାରରେ ମିଶିଲେ ଏନସିପିକୁ ମିଳିବ 2ଟି ମନ୍ତ୍ରୀ ପଦ । ଗୋଟିଏ ଶରତ ପାୱାରଙ୍କ ଝିଅ ସୁପ୍ରିୟା ସୁଲେ ଓ ଅନ୍ୟଟି ପ୍ରଫୁଲ୍ଲ ପଟେଲଙ୍କୁ ଦିଆଯିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ରାମଦାସ ଅଠାୱଲେ।

ମୁମ୍ବାଇ: ରାତାରାତି ବଦଳିଗଲା ସବୁ ସମୀକରଣ । ମହାରାଷ୍ଟ୍ରର ରାଜନୀତିରେ ଯବନିକା ପକାଇଲା ବିଜେପି । ଏନସିପିର ପ୍ରମୁଖ ନେତା ଅଜିତ ପାୱାରଙ୍କ ଯୋଗୁଁ ଧୂଳିସାତ ହୋଇଯାଇଛି ଶିବସେନାର ମୁଖ୍ୟମନ୍ତ୍ରୀ ଆସନ ସ୍ବପ୍ନ।ସେପଟେ ସରକାର ସହ ଏନସିପି ମିଶିଲେ ମନ୍ତ୍ରୀ ପଦ ମିଳିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ରାମଦାସ ଅଠାୱଲେ। ସେଥିରୁ ଗୋଟିଏ ସୁପ୍ରିୟା ସୁଲେ ଓ ଅନ୍ୟଟି ପ୍ରଫୁଲ୍ଲ ପଟେଲଙ୍କୁ ।

ରାତି ପାହିଥିଲେ ସରକାର ଗଢିଥାନ୍ତେ ଶିବସେନା-ଏନପିସି-କଂଗ୍ରେସ । ହେଲେ ରାତି ପାହିଲା ପରେ ରାଜନୀତିର ପାଶପାଲି ଯେମିତି ଓଲଟି ଯାଇଥିଲା। ଏଥିପାଇଁ ଶରତ ପାୱାର ଓ ଝିଅ ଅଜିତ ପାୱାରଙ୍କୁ ଦୋଷ ଦେବା ସହ ବିଜେପିକୁ ସମର୍ଥନ ଜଣାଉନାହାଁନ୍ତି। ପୂର୍ବରୁ ମହାରାଷ୍ଟ୍ର ରାଜନୀତିକୁ ନେଇ ଅମିତ ଶାହା ସବୁ ଠିକ ହୋଇଯିବ ବୋଲି କହୁଥିବାବେଳେ ଆଜି ତାହା ପ୍ରମାଣିତ ହୋଇଛି ବୋଲି କହିଛନ୍ତି ରାମଦାସ ଆଠୱାଲେ।