ନୂଆଦିଲ୍ଲୀ: ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ସୋମବାର ରାପିଡ୍ ଆଣ୍ଟିବଡି ବ୍ଲଡ ଟେଷ୍ଟ ସମ୍ବନ୍ଧରେ ରାଜ୍ୟ ସରକାରଙ୍କୁ ଦିଆଯାଇଥିବା ପରାମର୍ଶରେ ସଂଶୋଧନ କରିଛି। ଗୁଆଙ୍ଗଜୋ ୱଣ୍ଡଫୋ ବାୟୋଟେକ୍ ଏବଂ ଜୁହାଇ ଲିଭଜନ୍ ଡାଇଗ୍ନୋଷ୍ଟିକ୍ କିଟ୍ ବ୍ୟବହାର ବନ୍ଦ କରିବାକୁ ଆଇସିଏମ୍ଆର ଏକ ଚିଠି ରାଜ୍ୟ ସରକାର ମାନଙ୍କୁ ଲେଖିଛନ୍ତି ।
ଉଭୟ ଚାଇନିଜ୍ କମ୍ପାନୀ ୱଣ୍ଡଫୋ ବାୟୋଟେକ୍ ଏବଂ ଲିଭଜନ୍ ଡାଇଗ୍ନୋଷ୍ଟିକ୍ ଠାରୁ କିଟ୍ କ୍ରୟ କରିଥିଲେ କେନ୍ଦ୍ର ସରକାର । ରାଜ୍ୟ ସରକାରଙ୍କ ଅଭିଯୋଗ ପରେ କିଟଗୁଡିକ ପରୀକ୍ଷା କରିବା ପରେ ଆଇସିଏମଆର ସୋମବାର ପରାମର୍ଶ ଜାରି କରିଛି । ଏହି କିଟ ଦ୍ବାରା ଟେଷ୍ଟ ରିପୋର୍ଟରେ ବ୍ୟାପକ ପରିବର୍ତ୍ତନ ଦେଖାଉଛି । ଏହା କମ୍ପାନୀଗୁଡିକ ଦେଇଥିବା ପ୍ରତିବଦ୍ଧତା ଓ ସଠିକତାର ସମ୍ପୂର୍ଣ୍ଣ ଓଲଟ ଫଳ ଦେଉଛି । ତେଣୁ ରାଜ୍ୟମାନଙ୍କୁ ଏହି କିଟ୍ ବ୍ୟବହାର ନକରିବାକୁ କୁହାଯାଇଛି । ଏବେ ଏହି କିଟ ଗୁଡିକୁ ସମ୍ପୃକ୍ତ କମ୍ପାନୀମାନଙ୍କୁ ଫେରସ୍ତ କରାଯିବ ବୋଲି କୁହାଯାଇଛି ।