ନୂଆଦିଲ୍ଲୀ: ଇଣ୍ଟେଲିଜେନ୍ସ ବ୍ୟୁରୋ (ଆଇବି) କର୍ମଚାରୀ ଅଙ୍କିତ ଶର୍ମାଙ୍କ ହତ୍ୟା ମାମଲାରେ ସୋମବାର ତାହିର ହୁସେନକୁ ଗିରଫ କରାଯାଇଛି । ଦିଲ୍ଲୀ ହିଂସା ସମୟରେ ଅଙ୍କିତ ଶର୍ମାଙ୍କୁ ହତ୍ୟା କରାଯାଇଥିଲା । ଦିଲ୍ଲୀ ପୋଲିସର ଜଣେ ଅଧିକାରୀ ତାହିର ହୁସେନକୁ ଗିରଫ କରାଯାଇଥିବା କହିଛନ୍ତି ।
ଦିଲ୍ଲୀ ପୋଲିସ ମେଟ୍ରୋପୋଲିଟିଆନ ମାଜିଷ୍ଟ୍ରେଟ ପୱନ ସିଂ ରାଜୱତଙ୍କୁ ତାହିର ହୁସେନ୍ଙ୍କୁ ପଚରାଉଚରା ପାଇଁ ପାଞ୍ଚ ଦିନ ରିମାଣ୍ଡରେ ନେବା ପାଇଁ ଅନୁରୋଧ କରିଛନ୍ତି ।
ଦିଲ୍ଲୀ ଦଙ୍ଗା ପରେ ପରେ ଆଇବି ଅଧିକାରୀ ଅଙ୍କିତଙ୍କ ମୃତଦେହ ଡ୍ରେନ୍ରୁ ଉଦ୍ଧାର କରାଯାଇଥିଲା । ଅଙ୍କିତ ଶର୍ମାଙ୍କ ପିତା ତାହିର ହୁସେନ୍ଙ୍କ ବିରୋଧରେ ଏଫଆଇଆର ଦାଖଲ କରିଥିଲେ । ପରେ ପୋଲିସ ତାହିର ହୁସେନ୍ଙ୍କ ବିରୋଧରେ ଅପରାଧିକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା ।