ନୂଆଦିଲ୍ଲୀ:ଗତ ଦଶବର୍ଷ ମଧ୍ୟରେ ଭାରତୀୟ ବାୟୁସେନା ର 798 ପାଇଲଟ ଇସ୍ତଫା ଦେଇଛନ୍ତି । ଏହି ସୂଚନା ଖୋଦ ବାୟୁସେନା ହିଁ RTI ତଥ୍ୟରେ ଦେଇଛି । ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି ।
ଗତ ଦର୍ଶବର୍ଷ ମଧ୍ୟରେ ବାୟୁସେନାକୁ ପାଇଲଟ ଅଭାବ ପୂରଣ ପାଇଁ ଅନେକ ପରିଶ୍ରମ କରିବାକୁ ପଡିଛି । 1 ଫେବୃୟାରୀ 2018 ରେ ରାଜ୍ୟସଭାରେ ସରକାର କହିଥିଲେ ବାୟୁସେନା ପାଖରେ 4 ହଜାର 851 ସ୍ବୀକୃତି ପ୍ରାପ୍ତରୁ 3 ହଜାର 855 ପାଇଲଟ ଥିଲେ । ଫଳରେ 2018 ରେ ହିଁ ବାୟୁସେନାକୁ 376 ପାଇଲଟ ଅଭାବର ସାମନା କରିବାକୁ ପଡିଲା ।
ସୂଚନା ଅନୁସାରେ 2016 ରେ 100 ପାଇଲଟ 2017 ରେ 114 ପାଇଲଟ ବାୟୁସେନାରୁ ଇସ୍ତଫା ଦେଇଛନ୍ତି । ସେହିଭଲି 2015 ରେ 37 ଜଣ ପାଇଲଟ ଅବସର ପୂର୍ବରୁ ଇସ୍ତଫା ଦେଇଛନ୍ତି । ସବୁଠାରୁ ଉଦବେଗ ଜନକ କଥା ହେଉଛି ଅବସର ପୂର୍ବରୁ ଯେଉଁ ପାଇଲଟ ବାୟୁସେନା ଛାଡିଛନ୍ତି ସେମାନଙ୍କ ମଧ୍ୟରୁ ଅଧିକାଶଂ ଘରୋଇ ଏୟାର ଲାଇନ୍ସରେ ଯୋଗଦେଇଛନ୍ତି ।