‘ବିଜେପି ଖୁବଶିଘ୍ର ସରକାର ଗଠନ କରିବ’

ଆମର ବିଶ୍ବାସ ଆମେ ଖୁବଶିଘ୍ର ସରକାର ଗଠନ କରିବୁ । ଏବେ କୌଣସି ମତ ମନ୍ତବ୍ୟ ଦେବୁ ନାହିଁ । ଦିଲ୍ଲୀରେ ପହଞ୍ଚିବା ପରେ ଦେବେନ୍ଦ୍ର ଫଡନାଭିସଙ୍କ ମନ୍ତବ୍ୟ ।

ମୁମ୍ବାଇ: ଗୋଟିଏ ପଟେ ମହାରାଷ୍ଟ୍ରରେ ସରକାର ଗଠନ ପାଇଁ ଶିବସେନା ଜୋରଦାର ଉଦ୍ୟମ ଆରମ୍ଭ କରିଛି । ଦଳ କଂଗ୍ରେସ ଓ ଏନସିପିକୁ ନେଇ ସରକାର ଗଠନ ପାଇଁ ଜାରି ରହିଛି ଆଲୋଚନା ପର୍ଯ୍ୟାଲୋଚନା । ଠିକ ଏତିକି ବେଳେ ବିଜେପି ମେଣ୍ଟର ଭବିଷ୍ୟତ ଓ ସରକାର ଗଠନ ପାଇଁ ଚୂଡାନ୍ତ ରଣନୀତି ପାଇଁ ଆଜି ଦିଲ୍ଲୀ ଆସିବା ବେଳେ ବଡ ବୟାନ ଦେଇଛନ୍ତି ଦେବେନ୍ଦ୍ର ଫଡନାଭିସ । ସେ କହିଛନ୍ତି ମୁଁ ସରକାର ଗଠନକୁ ନେଇ କୌଣସି ମନ୍ତବ୍ୟ ଦେବାକୁ ଚାହୁଁନି । କିନ୍ତୁ ମୋର ବିଶ୍ବାସ ଅଛି ଖୁବ ଶୀଘ୍ର ଆମେ ସରକାର ଗଠନ କରିବୁ ।

ସୂଚନାଯୋଗ୍ୟ ସରକାର ଗଠନ, ଶିବସେନାର ଦାବି ଓ ପରବର୍ତ୍ତୀ ରଣନୀତି ନେଇ ଦେବେନ୍ଦ୍ର ଫଡନାଭିସ ଆଜି ଦଳର ରାଷ୍ଟ୍ରୀୟ ଅଧ୍ୟକ୍ଷକଙ୍କ ସହ ଆଲୋଚନା ପାଇଁ ଦିଲ୍ଲୀ ଆସିଛନ୍ତି ।