ହାଇଦ୍ରାବାଦ: ଆଉ ଦିନ କେଇଟା ପରେ 2019 ବର୍ଷ ବିଦାୟ ନେଇ ନୂଆ ସକାଳ ନେଇ ଆସିବ ବର୍ଷ 2020 । ତେବେ ନୂଆବର୍ଷକୁ ସ୍ବାଗତ କରିବାକୁ ସବୁ ସ୍ତରରେ ପ୍ରସ୍ତୁତି ଦେଖିବାକୁ ମିଳିଲାଣି । ବିଶେଷ କରି ଜିରୋ ନାଇଟ ସେଲିବ୍ରେସନ କରିବାକୁ ପ୍ରତି ଯାଗାରେ ଦେଖିବାକୁ ମିଳିଲାଣି ଚଞ୍ଚଳତା । ତାରକା ହୋଟେଲ, ପବ୍ ଓ କ୍ଲବ ମାନଙ୍କରେ ବିଶେଷ ପ୍ରସ୍ତୁତି ଆରମ୍ଭ ହୋଇଗଲାଣି ।
ମାତ୍ର ଜିରୋ ନାଇଟ ସେଲିବ୍ରେସନ ସମୟରେ ଯେପରି କୌଣସି ଅଘଟଣ ନଘଟେ ସେନେଇ ହାଇଦ୍ରାବାଦ ପୋଲିସ ଜାରି କରିଛି ଆଡଭାଇଜରୀ । ଡିସେମ୍ବର 31 ଓ ଜାନୁଆରୀ 1 କୁ ନେଇ ପୋଲିସ ସତର୍କତା ମୂଳକ ପଦକ୍ଷେପ ନେଇଛି । ହାଇଦ୍ରାବାଦ ପୋଲିସ କମିଶନର ଅଞ୍ଜନୀ କୁମାର ଏନେଇ ଏକ ବାର୍ତ୍ତା ଦେଇଛନ୍ତି ।