କିରୋସିନ ଢାଳି ହୋଇ ବାପା-ମା ଓ ନାବାଳିକା ଝିଅର ଆତ୍ମହତ୍ୟା

ଦେହରେ ନିଆଁ ଲଗାଇ ବାପା-ମା ଓ ନାବାଳିକା ଝିଅର ଆତ୍ମହତ୍ୟା କରିଥିବା ଅଭିଯୋଗ ହୋଇଛି । କର୍ଣ୍ଣାଟକର ଚିତ୍ରଦୁର୍ଗରେ ଥିବା ଗାରେହାଲି କଲୋନୀରେ ଏହି ଘଟଣା ଘଟିଛି ।

ବେଙ୍ଗାଲୁରୁ: କର୍ଣ୍ଣାଟକର ଚିତ୍ରଦୁର୍ଗରେ ଚାଞ୍ଚଲ୍ୟ । ଦେହରେ ନିଆଁ ଲଗାଇ ବାପା-ମା ଓ ନାବାଳିକା ଝିଅର ଆତ୍ମହତ୍ୟା କରିଥିବା ଅଭିଯୋଗ ହୋଇଛି । କର୍ଣ୍ଣାଟକର ଚିତ୍ରଦୁର୍ଗରେ ଥିବା ଗାରେହାଲି କଲୋନୀରେ ଏହି ଘଟଣା ଘଟିଥିବା ଦେଖିବାକୁ ମିଳିଛି ।

ମୃତକ ତିନିଜଣଙ୍କ ମଧ୍ୟରେ 40 ବର୍ଷୀୟ ଅରୁନ ତାଙ୍କ 35 ବର୍ଷୀୟ ପତ୍ନୀ ଲତା ଓ 13 ବର୍ଷୀୟ ନାବାଳିକା ଝିଅ ଅମୃତା ଦେହରେ କିରୋସିନ ଢାଳି ଆତ୍ମହତ୍ୟା କରିଛନ୍ତି । ସମସ୍ତଙ୍କ ମୃତଦେହ ବନ୍ଦ ଘରୁ ପୋଲିସ ଉଦ୍ଧାର କରିଛି । ତେବେ ମୃତ୍ୟୁର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡି ନଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି ।