ଚେନ୍ନାଇ: ମହାମାରୀ କୋରୋନାକୁ ନେଇ ଚାରିଆଡେ ଲକଡାଉନ ସହ ସଟଡାଉନ କରାଯାଇଛି । ସାରା ଭାରତରେ ବର୍ତ୍ତମାନ ଲକଡାଉନ ଦ୍ବିତୀୟ ପର୍ଯ୍ୟାୟରେ ଜାରି ରହିଥିବାବେଳେ ଲୋକଙ୍କ ମଧ୍ୟରେ ସାମାଜିକ ଦୂରତାକୁ ଭ୍ରୁକ୍ଷେପ କରୁନଥିବା ଦେଖିବାକୁ ମିଳୁଛି । ଗତକାଲି ରାତିରେ ତାମିଲନାଡୁର ତିରୁଚିରାପଲ୍ଲୀର ଜି କର୍ଣ୍ଣର ପଡିଆରେ ପନିପରିବା ବଜାର ବା ହାଟରେ ବହୁସଂଖ୍ୟାରେ ଲୋକ ଏକତ୍ର ହୋଇଥିଲେ । ଲୋକମାନେ ମହମାରୀ କୋରୋନାକୁ ନେଇ କରାଯାଇଥିବା ନିର୍ଦ୍ଦେଶକୁ ପାଳନ କରୁନଥିବା ଦେଖିବାକୁ ମିଳିଛି ।
ମହାମାରୀ କୋରୋନା ସାରା ବିଶ୍ବରେ କାୟାବିସ୍ତାର କରିଚାଲିଥିଲା ବେଳେ ତାମିଲନାଡୁର ତିରୁଚିରାପଲ୍ଲୀରେ ଲୋକମାନେ ନମାନିବା ଯୋଗୁଁ ଏହାର ସଂକ୍ରମଣକୁ ରୋକିବାରେ ବିଫଳ ହେବାର ଆଶଙ୍କା କରାଯାଉଛି । ବଜାରରେ ଶହ ଶହ ଲୋକ ଏକତ୍ର ହୋଇ ଗହଳି କରିଥିଲେ ଏବଂ ବିପୁଳ ପରିମାଣରେ ପନିପରିବା ଓ ଟ୍ରକରେ ଆସିଛି । ଲୋକମାନେ ସାମାଜିକ ଦୂରତାକୁ ଅବଲମ୍ବନ କରିବା ଦେଖିବାକୁ ମିଳନାହିଁ ।