ନୂଆଦିଲ୍ଲୀ: ଦେଶର 45000 ଉର୍ଦ୍ଧ୍ବ ଉଚ୍ଚଶିକ୍ଷା ପ୍ରତିଷ୍ଠାନ(ଏଚଇଆଇ) ମୁଖ୍ୟଙ୍କ ସହ ଆଲୋଚନା କଲେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ । ଗତ ଗୁରୁବାର କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖ୍ରିଆଲ ନିଶଙ୍କ ବେଙ୍ଗାଲୁରୁର ଜାତୀୟ ମୂଲ୍ୟାଙ୍କନ ଏବଂ ସ୍ୱୀକୃତି ପରିଷଦ (ଏନଏଏସି) ଦ୍ୱାରା ଆୟୋଜିତ ଏକ ୱେବିନିନାର ମାଧ୍ୟମରେ 45000ରୁ ଉର୍ଦ୍ଧ୍ବ ଉଚ୍ଚଶିକ୍ଷା ପ୍ରତିଷ୍ଠାନର ମୁଖ୍ୟଙ୍କ ସହ କଥାବାର୍ତ୍ତା କରିଛନ୍ତି।
ଏକ ଅଫିସିଆଲ ପ୍ରକାଶରେ ସେ କହିଛନ୍ତି, ସେ ସମସ୍ତ ବିଶ୍ୱବିଦ୍ୟାଳୟକୁ ସ୍ବତନ୍ତ୍ର ସେଲ ଗଠନ କରିବାକୁ କହିଛନ୍ତି । ଯାହାଦ୍ବାରା କୋରୋନା କାରଣରୁ ଏକାଡେମିକ କ୍ୟାଲେଣ୍ଡର ଏବଂ ପରୀକ୍ଷା ସମ୍ବନ୍ଧୀୟ ଛାତ୍ରଛାତ୍ରୀଙ୍କ ସମସ୍ୟାର ସମାଧାନ ପାଇଁ କ୍ଷମତା ପ୍ରାପ୍ତ ହେବ। ସେ କହିଛନ୍ତି ଯେ, ଛାତ୍ରଛାତ୍ରୀଙ୍କ ବିଭିନ୍ନ ସମସ୍ୟାର ସମାଧାନ ପାଇଁ ୟୁଜିସି ଏବଂ ଏନସିଇଆରଟିରେ ଏକ ଟାସ୍କଫୋର୍ସ ଗଠନ କରାଯାଇଛି।
କୋରୋନା ମହାମାରୀ ସମୟରେ ଏନଏଏସି ଦ୍ବାରା ନିଆଯାଇଥିବା ଏହି ପଦକ୍ଷେପକୁ ମନ୍ତ୍ରୀ ପ୍ରଶଂସନୀୟ କହିଛନ୍ତି । ଏଥିସହ ମନ୍ତ୍ରୀ ଏଚଇଆଇକୁ ଡାକି ବର୍ତ୍ତମାନର ପରିସ୍ଥିତିକୁ ସିଷ୍ଟମରେ ସୀମିତ ଦୂର କରିବାର ସୁଯୋଗ ଭାବରେ ଗ୍ରହଣ କରିବାକୁ କହିଛନ୍ତି ।