ହାଇଦ୍ରାବାଦ: ବିଶ୍ବବ୍ୟାପୀ କୋରୋନା ସୃଷ୍ଟି କରିଛି ଆତଙ୍କ । ଭାରତ ସମେତ ପ୍ରାୟ ସାରା ବିଶ୍ବ ଲକଡାଉନରେ ରହିଛି । ଶକ୍ତିଶାଳୀ ରାଷ୍ଟ୍ର ଏହି ମହାମାରୀ ସାମନାରେ ହାର ମାନିଛନ୍ତି । ତେବେ ସରକାରଙ୍କ ଦ୍ବାରା ଘୋଷିତ ଲକଡାଉନ ଆମ ପାଇଁ ଅନେକ ଜରୁରୀ । କାରଣ ଏହାକୁ ପାଳନ ନକଲେ କୋରୋନା ଭୟଙ୍କର ଭାବେ ବ୍ୟାପିଥାଏ ।
ଏକ ତଥ୍ୟ ଅନୁସାରେ ଜଣେ କୋରୋନା ଆକ୍ରାନ୍ତ ଗୋଟିଏ ମାସରେ ଅନେକ ଲୋକଙ୍କୁ ଆକ୍ରାନ୍ତ କରିଥାଏ । ସରକାରଙ୍କ ତଥ୍ୟ ଅନୁସାରେ ଏକ ଆକଳନ ଅନୁଯାୟୀ ଯଦି ଜଣେ ବ୍ୟକ୍ତି ହାତ ଧୋଇବା କିମ୍ବା ସାମାଜିକ ଦୂରତାକୁ ପାଳନ କରୁନାହିଁ ତେବେ ସେ 5 ଦିନରେ 2.5 ଜଣ ଲୋକଙ୍କୁ ସଂକ୍ରମିତ କରିଥାଏ । ଆଉ ଏମାନେ ଗୋଟିଏ ମାସରେ 406 ଜଣଙ୍କୁ ସଂକ୍ରମିତ କରିଥାନ୍ତି ।