ସିମଲା: ସୋମବାର ଠାରୁ ସିଏଏକୁ ନେଇ ଜଳୁଛି ଦିଲ୍ଲୀ । ସିଏଏକୁ ନେଇ ରାଜଧାନୀ ଦିଲ୍ଲୀରେ ହିଂସାକାଣ୍ଡ ସହ ଦଙ୍ଗା ଭଳି ମାହୋଲ ଉପୁଜିଛି । ଏଭଳି ସମ୍ବେଦନଶୀଳ ପରିସ୍ଥିତିରେ ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ଜୟରାମ ଠାକୁର ବିବାଦୀୟ ବୟାନ ଦେଇଛନ୍ତି । ଭାରତରେ ରହିବାକୁ ହେଲେ ‘ଭାରତ ମାତା କି ଜୟ’ କହିବାକୁ ପଡିବ ବୋଲି କହିଛନ୍ତି ।
ଭାରତରେ ରହିବାକୁ ହେଲେ 'ଭାରତ ମାତା କି ଜୟ' କହିବାକୁ ପଡିବ: ସିଏମ ଜୟରାମ
ଦିଲ୍ଲୀ ହିଂସାକୁ ନେଇ ସିଏମ ଜୟରାମ କହିଛନ୍ତି ଯେ ସମଗ୍ର ଘଟଣା ଉପରେ ଗୃହମନ୍ତ୍ରୀ ଅମିତ ଶାହଙ୍କ ନଜର ରହିଛି । ଆମେରିକା ରାଷ୍ଟ୍ରପତିଙ୍କ ଗସ୍ତ ସମୟରେ ଦିଲ୍ଲୀ ହିଂସାକୁ ନେଇ ସେ ଆହୁରି କହିଛନ୍ତି ଯେ, ଦେଶ ବିରୋଧୀ ବୟାନବାଜି ଓ ଦେଶର ଶାନ୍ତିରେ ବାଧା ସୃଷ୍ଟି କରୁଥିବାଙ୍କ ବିରୋଧରେ ଏବେ କଡା କାର୍ଯ୍ୟାନୁଷ୍ଠାନ ନେବା ସମୟ ଆସି ଯାଇଛି ।