ନୂଆଦିଲ୍ଲୀ: ଜନ ସୁରକ୍ଷା ଆଇନ ଅନୁଯାୟୀ ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ନେତ୍ରୀ ମେହବୁବା ମୁଫ୍ତିଙ୍କ ଗୃହବନ୍ଦୀ ଅବଧି ବୃଦ୍ଧିକୁ ନେଇ କେନ୍ଦ୍ର ଉପରେ ବର୍ଷିଲେ କଂଗ୍ରେସ ନେତା ରାହୁଲ ଗାନ୍ଧୀ । ଏଥିସହ ସେ ମେହବୁବା ମୁଫ୍ତିଙ୍କୁ ମୁକ୍ତ କରିବାକୁ ଦାବି କରିଛନ୍ତି।
ରବିବାର କଂଗ୍ରେସ ନେତା ରାହୁଲ ଗାନ୍ଧୀ ଟ୍ବିଟ କରି କହିଛନ୍ତି, କେନ୍ଦ୍ର ସରକାର ବେଆଇନ ଭାବେ ରାଜନୈତିକ ନେତାମାନଙ୍କୁ ଗୃହବନ୍ଦୀ ଭାବରେ ରଖିଛନ୍ତି । ସରକାରଙ୍କ ଏଭଳି କାର୍ଯ୍ୟକଳାପ ଦ୍ବାରା ଭାରତର ଗଣତନ୍ତ୍ର କ୍ଷତିଗ୍ରସ୍ତ ହେଉଛି । ମେହବୁବା ମୁଫ୍ତିଙ୍କୁ ମୁକ୍ତ କରିବାର ସମୟ ଆସିଯାଇଛି ବୋଲି ସେ କହିଛନ୍ତି ।