ବର୍ଷାରେ ଭିଜିଲା ରାଜଧାନୀ ଦିଲ୍ଲୀ, ରାସ୍ତାରେ ଜମିଲା ପାଣି

ବର୍ଷାରେ ଭିଜିଲା ରାଜଧାନୀ ଦିଲ୍ଲୀ, ପ୍ରବଳ ବର୍ଷା ଯୋଗୁଁ ରାସ୍ତାରେ ଜମିଲା ପାଣି । ଜନଜୀବନ ପ୍ରଭାବିତ। ଅଧିକ ପଢନ୍ତୁ...

ନୂଆଦିଲ୍ଲୀ : ବର୍ଷାରେ ଭିଜିଲା ଦିଲ୍ଲୀ । ସୋମବାର ସକାଳେ ଦିଲ୍ଲୀ ଏବଂ ଏନସିଆର ଅଞ୍ଚଳରେ ପ୍ରବଳ ବର୍ଷା ହୋଇଛି । ବର୍ଷା ହେତୁ ଲୋକମାନେ ଗରମରୁ ସାମାନ୍ୟ ଆଶ୍ବସ୍ତି ପାଇଛନ୍ତି । ବର୍ଷା ସହିତ ବିଭନ୍ନ ସ୍ଥାନରେ ଘଡଘଡି ମଧ୍ୟ ହୋଇଛି । ଗତ 2 ଦିନ ଧରି ରାଜଧାନୀରେ ଏଭଳି ବର୍ଷା ଜାରି ରହିଛି । ତେବେ ପାକିସ୍ତାନରୁ ଆସାମ ପର୍ଯ୍ୟନ୍ତ ବର୍ଷା ହେବ ବୋଲି ପାଣିପାଗ ବିଭାଗର ଜଣେ ଅଧିକାରୀ କହିଛନ୍ତି ।

ତେବେ ଏହି ବର୍ଷା ଜୁନ 25 ପର୍ଯ୍ୟନ୍ତ ଜାରି ରହିବ ବୋଲି କହିଛି ପାଣିପାଗ ବିଭାଗ । ଦିଲ୍ଲୀକୁ 27 ତାରିଖ ପୂର୍ବରୁ ମୌସୁମୀ ଛୁଇଁବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ତେବେ ନୂଆଦିଲ୍ଲୀରେ ପ୍ରବଳବର୍ଷା ହେତୁ, ବୁରାରୀର ବିଭନ୍ନ ସ୍ଥାନରେ ପାଣି ଜମିଥିବା ଦେଖିବାକୁ ମିଳିଛି । ଫଳରେ ଜନଜୀବନ ପ୍ରଭାବିତ ହୋଇଛି ।

ସୌଜନ୍ୟ @ANI