ଶାହିନବାଗରେ ବ୍ୟାପକ ପୋଲିସ ମୁତୟନ, 144 ଧାରା ଲାଗୁ

ସୁରକ୍ଷା ଦୃଷ୍ଟିରୁ ଶାହିନବାଗରେ ବ୍ୟାପକ ପୋଲିସ ମୁତୟନ । 144 ଧାରା ଲାଗୁ । ଧାରଣାସ୍ଥଳକୁ ହଟାଇବା ପାଇଁ ହିନ୍ଦୁସେନା ଡାକରା ଦେବା ପରେ ଆଜି ଶାହିନବାଗରେ ପୋଲିସ ଛାଉଣି କରାଯାଇଛି । ଅଧିକ ପଢନ୍ତୁ...

ନୂଆଦିଲ୍ଲୀ: ଶାହିନବାଗରେ ବ୍ୟାପକ ପୋଲିସ ମୁତୟନ । ସୁରକ୍ଷା ଦୃଷ୍ଟିରୁ ରବିବାର ଧାରଣାସ୍ଥଳରେ ମୁତୟନ ହୋଇଛନ୍ତି ପୋଲିସ । ଧାରଣାସ୍ଥଳକୁ ହଟାଇବା ପାଇଁ ହିନ୍ଦୁସେନା ଡାକରା ଦେବା ପରେ ରବିବାର ଶାହିନବାଗରେ ପୋଲିସ ଛାଉଣି କରାଯାଇଛି ।

ଏହାସହ ଶାହିନବାଗରେ ଧାରା 144 ଲଗାଯାଇଛି । ଉତ୍ତର-ପୂର୍ବ ଦିଲ୍ଲୀରେ ହିଂସା ପରେ ଶାହିନବାଗରେ କିଛି ଘଟିପାରେ ବୋଲି ଆଶଙ୍କା କରି ଏପରି କରାଯାଇଛି ।

ମାର୍ଚ୍ଚ 1 ତାରିଖରେ ଶାହିନବାଗ ଧାରଣାସ୍ଥଳକୁ ହଟାଇବାକୁ ହିନ୍ଦୁସେନା ଡାକରା ଦେଇଥିବାରୁ ପୋଲିସ ପକ୍ଷରୁ ଏପରି ପଦକ୍ଷେପ ନିଆଯାଇଛି । ସୂଚନାଥାଉକି, ସିଏଏକୁ ବିରୋଧ କରି ଶାହିନବାଗରେ ଧାରଣା ଜାରି ରହିଛି । ଏଥିଯୋଗୁଁ ରାସ୍ତା ବନ୍ଦ ରହିବା ସହ ଅନେକ ଲୋକ ହଇରାଣ ହରକତ ହେଉଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ