ବାପାଙ୍କୁ ନିଶ୍ଚିତ ନ୍ୟାୟ ମିଳିବ: ତେଜସ୍ବୀ ଯାଦବ

ପିତା ଲାଲୁ ପ୍ରସାଦ ଯାଦବଙ୍କୁ ରାଞ୍ଚି ହାଇକୋର୍ଟ ଜାମିନ ପ୍ରଦାନ କରିବେ ବୋଲି ଆଶା ପ୍ରକଟ କରିଛନ୍ତି ପୁଅ ତେଜସ୍ବୀ ଯାଦବ। ଅଧିକ ପଢନ୍ତୁ...

ପାଟନା: ନିଜ ବାପାଙ୍କୁ ଜାମିନ ମିଳିବା ନେଇ ଆତ୍ମବିଶ୍ବାସ ପ୍ରକାଶ କରିଛନ୍ତି ତେଜସ୍ବୀ ଯାଦବ । ଶୁକ୍ରବାର ରାଷ୍ଟ୍ରିୟ ଜନତା ଦଳ ନେତା ତେଜସ୍ୱୀ ଯାଦବ ନିଜ ପିତା ଲାଲୁ ପ୍ରସାଦ ଯାଦବଙ୍କୁ ରାଞ୍ଚି ହାଇକୋର୍ଟ ଜାମିନ ପ୍ରଦାନର ଆତ୍ମବିଶ୍ୱାସ ରହିଛି ବୋଲି ପ୍ରକାଶ କରିଛନ୍ତି। ତେବେ ଲାଲୁ ପ୍ରସାଦଙ୍କ ଜାମିନ ଆବେଦନ ଉପରେ ଆଜି ଶୁଣାଣି ହେବାର ଅଛି।

ଆରଜେଡି ପ୍ରତିଷ୍ଠାତାଙ୍କ ଜାମିନ୍ ବିଧାନସଭା ନିର୍ବାଚନରେ ମହାମେଣ୍ଟକୁ ଏକ ବଡ ଖୁସି ଦେବ ବୋଲି ତେଜସ୍ବୀ ଯାଦବ କହିଛନ୍ତି । ଏଥିସହ ସେ କହିଛନ୍ତି, ଲାଲୁଜୀ ଜନତାଙ୍କର ଶକ୍ତି । ଲୋକମାନେ ତାଙ୍କୁ ଦେଖିବା ପାଇଁ ଉତ୍ସାହିତ ଅଛନ୍ତି। ସେ ସାମାଜିକ ନ୍ୟାୟ କରିଥିଲେ। ଏଥର ଯେତେବେଳେ କ୍ଷମତାକୁ ଆସିବୁ ଆମେ ରାଜ୍ୟର ଆର୍ଥିକ ବ୍ୟବସ୍ଥା ସୁଧାର ଉପରେ ନଜର ରଖିବୁ ।