ଚଣ୍ଡିଗଡ଼: କୋରୋନା ଭାଇରସକୁ ନେଇ ସମସ୍ତେ ଚିନ୍ତିତ ଥିବାବେଳେ ସବୁ ରାଜ୍ୟ ସରକାର ଆପଣଉଛନ୍ତି ଭିନ୍ନ ଭିନ୍ନ ପଦକ୍ଷେପ । ତେବେ ଏହି ମହାମାରୀର ମୁକାବିଲା ପାଇଁ ହରିୟାଣା ସରକାର ଆରମ୍ଭ କରିଛନ୍ତି ଏକ ସ୍ବେଚ୍ଛାକୃତ କାର୍ଯ୍ୟକ୍ରମ । କୋରୋନା ଭାଇରସ ସହ ଲଢିବା ପାଇଁ ହରିୟାଣାର ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ମଙ୍ଗଲବାର ଲୋକଙ୍କୁ ସାର୍ବଜନୀନ ସେବା ଯୋଗାଇବାକୁ ଆରମ୍ଭ କରିଛନ୍ତି ଏହି କାର୍ଯ୍ୟକ୍ରମ ।
ସେପଟେ COVID-19 କୁ ପରାସ୍ତ କରିବାକୁ ଗତ ସୋମବାର ‘COVID-ସଂଘର୍ଷ ସେନାନୀ’ ନାମକ ଏକ କାର୍ଯ୍ୟକ୍ରମ ଆରମ୍ଭ କରାଯାଇଛି । ଯାହା ଦ୍ବାରା ଲୋକମାନେ ସ୍ବେଚ୍ଛାକୃତ ଭାବରେ ଡାକ୍ତରଖାନାରେ ସେବା ଯୋଗାଇ ପାରିବେ । ତେବେ ଯେଉଁମାନେ ସ୍ବେଚ୍ଛାକୃତ ଭାବରେ ଲୋକଙ୍କୁ ସେବା ଦେବା ପାଇଁ ଆଗ୍ରହୀ, ସେମାନେ ନିଜକୁ haryana.mygov.in ଏବଂ covidharyana.inରେ ପଞ୍ଜୀକୃତ କରିପାରିବେ |