ନୂଆଦିଲ୍ଲୀ: ଏଲଜେପି ଜାତୀୟ ସଭାପତି ଚିରାଗ ପାସୱାନ୍ ବର୍ତ୍ତମାନ ଅଭିନେତ୍ରୀ କଙ୍ଗନା ରାଣାୱତଙ୍କୁ ସମର୍ଥନ କରିଥିବା ଦେଖାଯାଇଛି । ଚିରାଗ ପାସୱାନ ଟ୍ୱିଟ କରିଛନ୍ତି, ‘ସମସ୍ତ ଦେଶଭକ୍ତ କଙ୍ଗନାଙ୍କ ସହ ଅଛନ୍ତି। ବିହାରୀ ବାଳକର ଲଢେଇ ଲଢିବା ସହ ବଲିଉଡର ସତ୍ୟତା କହିବା ଫଳରେ ଅନେକ କଙ୍ଗନାଙ୍କ ବିରୋଧି ହୋଇଯାଇଛନ୍ତି । ମୁମ୍ବାଇରେ ରହୁଥିବା ବିହାରୀ ଓ ଉତ୍ତର ଭାରତ ସମେତ ସମସ୍ତଙ୍କୁ ଅପିଲ କରୁଛି ଯେ କଙ୍ଗନା ଦେଶର ଝିଅ ଓ ସେ ଆଜି ମୁମ୍ବାଇରେ ପହଞ୍ଚିଛି, ଏହି ସମୟରେ ତାଙ୍କର ସମର୍ଥନ କରନ୍ତୁ ’ ।
କଙ୍ଗନାଙ୍କ ସମର୍ଥନରେ ଅନିଲ ଭିଜ୍
ଚିରାଗ ପାସୱାନ୍ କହିଛନ୍ତି ଯେ ମହାରାଷ୍ଟ୍ର ମଧ୍ୟ ଭାରତୀୟ ସମ୍ବିଧାନ ମଧ୍ୟରେ ଆସୁଥିବା ରାଜ୍ୟ । ଆଜି କଙ୍ଗନାଙ୍କ ସହ ଯାହା ହେଲା ତାହା ଦେଶର ବିଭିନ୍ନ ପ୍ରାନ୍ତରୁ ଆସୁଥିବା ଲୋକଙ୍କ ସହ ହୋଇଥାଇପାରେ । ମୁମ୍ବାଇ ସମସ୍ତଙ୍କୁ ନେଇ ଗଠିତ, କାହାର ଜଣକର ନୁହେଁ । ଚିରାଗଙ୍କ କହିବାନୁସାରେ, ମୁମ୍ବାଇ ସରକାର କିମ୍ବା ବିଏମସି କଙ୍ଗନା ରାଣାୱତଙ୍କ ପ୍ରତି ଯେଉଁଭଳି ବ୍ୟବହାର କରୁଛନ୍ତି ତାହା ଅତ୍ୟନ୍ତ ଖରାପ ଅଟେ।