ସାଇକେଲରେ ଆସି ଭୋଟଦେଲେ ହରିୟାଣା ମୁଖ୍ୟମନ୍ତ୍ରୀ

ହରିୟାଣା ଜନତା ଚୟନ କରୁଛନ୍ତି ରାଜ୍ୟର ଆଗାମୀ ସରକାର । ଗଣତନ୍ତ୍ରର ଏହି ମହାପର୍ବରେ ସାମିଲ ହୋଇଛନ୍ତି ନେତାଙ୍କ ଠାରୁ ଜନତା ।

ହରିୟାଣା: ଚାଲିଛି ହରିୟାଣା ବିଧାନସଭା ନିର୍ବାଚନ ପାଇଁ ଭୋଟ ଗ୍ରହଣ। ମୋଟ 90ଟି ଆସନ ପାଇଁ ସାରା ରାଜ୍ୟରେ ଶାନ୍ତିପୂର୍ଣ୍ଣ ଭୋଟ ଗ୍ରହଣ। ଏହି ଗଣତନ୍ତ୍ରର ମହୋତ୍ସବରେ ସାମିଲ ହୋଇଛନ୍ତି ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର। ଭୋଟ ଦେବାପାଇଁ କୌଣସି ଗାଡି ପରିବର୍ତ୍ତେ ନିଜ ବାସଭବନରୁ ଏକ ସାଇକେଲ ଯୋଗେ କରନାଲ ସ୍ଥିତ ମତଦାନ କେନ୍ଦ୍ରକୁ ଆସିଛନ୍ତି ସେ।

ଭୋଟଦାନ ପରେ ହରିୟାଣା ମୁଖ୍ୟମନ୍ତ୍ରୀ କହିଛନ୍ତି ରାଜ୍ୟରେ ଶାନ୍ତିପୂର୍ଣ୍ଣ ଭାବେ ମତଦାନ ଚାଲିଛି। ବିରୋଧୀ ନିର୍ବାଚନ ହାରିସାରିଛନ୍ତି। ତାଙ୍କର କୌଣସି ଅଭିଯୋଗର ମୂଲ୍ୟନାହିଁ।