ନୂଆଦିଲ୍ଲୀ: ହରିୟାଣା ମୁଖ୍ୟମନ୍ତ୍ରୀ ଗାଦି କିଏ ସମ୍ଭାଳିବେ ସେ ନେଇ ସାରା ଦିନ କଂଗ୍ରେସ, ବିଜେପି ସମର୍ଥନ ଯୋଗାଡରେ ଲାଗିଛନ୍ତି । ଏଭଳି ଛକାପଞ୍ଝା ଭିତରେ କିଙ୍କମେକର ଦୁଷ୍ୟନ୍ତ ଚୌଟାଲଙ୍କ ଉପରେ ସମସ୍ତଙ୍କ ଆଶା । ଅସ୍ପଷ୍ଟ ଅଙ୍କ, ବିନା ମ୍ୟାଜିକ ନମ୍ବରରେ ଏବେ ହରିୟାଣାରେ ଦଳ ସବୁ ହନ୍ତସନ୍ତ । ଏପରିସ୍ଥଳେ ଦୁଷ୍ୟନ୍ତଙ୍କୁ କଂଗ୍ରେସ ସମର୍ଥନ ପାଇଁ ଆମନ୍ତ୍ରଣ କରିଛନ୍ତି । ହେଲେ ଦୁଷ୍ୟନ୍ତଙ୍କ ମନ ବିଜେପିରେ ଥିଲା ଭଳି ମନେ ହେଉଛି । ଖାସ ଡିଲ କିମ୍ବା ସମର୍ଥନ ପାଇଁ ଦୁଷ୍ୟନ୍ତ ଦିଲ୍ଲୀମୁହାଁ ।
ଭିଡିଓ ସୌଜନ୍ୟ: ଏଏନଆଇ
ବହୁମତ ଠାରୁ ଦୂରରେ ଥିବା ବିଜେପି ପାଇଁ ମାଷ୍ଟରପ୍ଲାନର ତଥା ଗୃହମନ୍ତ୍ରୀ ଅମିତ ଶାହା ହିଁ ଶାହା ଭରସା । ବିଜେପିର ଚାଣକ୍ୟଙ୍କ ଘରେ ଦୁଷ୍ୟନ୍ତ ଚୌଟାଲା । ଜେଜେପି ପ୍ରମୁଖ ଚୌଟାଲା ଶୁକ୍ରବାର ଦିଲ୍ଲୀ ପହଞ୍ଚି କେନ୍ଦ୍ର ରାଜ୍ୟମନ୍ତ୍ରୀ ଅନୁରାଗ ଠାକୁରଙ୍କୁ ପ୍ରଥମେ ତାଙ୍କ ବାସଭବନରେ ଭେଟିଛନ୍ତି ।