କୋଲ୍ଲମ: ପ୍ଲାଷ୍ଟିକ ମୁକ୍ତ ସହର ଗଠନ ପାଇଁ ଅଣ୍ଟା ଭିଡିଛନ୍ତି ମହିଳା । କେରଳର କୋଲ୍ଲମ ଜିଲ୍ଲା ପରିନାଡ ଗାଁର ପ୍ରାୟ 40ଜଣ ମହିଳା ପ୍ଲାଷ୍ଟିକ ମୁକ୍ତ ପଞ୍ଚାୟତ ଗଠନ ପାଇଁ ଆରମ୍ଭ କରିଛନ୍ତି ପ୍ରୟାସ । ମହିଳାଙ୍କ ଏଭଳି ପ୍ରୟାସ ଯୋଗୁଁ ଜାତୀୟ ଗ୍ରୀନ ଟ୍ରିବ୍ୟୁନାଲ ଏମାନଙ୍କୁ ଉଦାହରଣ ରୂପେ ବାଛିଛନ୍ତି । ଆଉ ଏମାନେ କେବଳ ପ୍ଲାଷ୍ଟିକ ବିରୋଧରେ ସଂଗ୍ରାମ କରୁ ନାହାନ୍ତି, ପ୍ଲାଷ୍ଟିକ ମୁକ୍ତ ଦେଶ ଗଠନ ପାଇଁ ଦେଶବାସୀଙ୍କୁ ଉଚିତ୍ ଶିକ୍ଷା ମଧ୍ୟ ଦେଉଛନ୍ତି ।
କେରଳରେ ହରିଥା କର୍ମ ସେନାର କମାଲ, ପ୍ଲାଷ୍ଟିକ ମୁକ୍ତ ହେଉଛି ପଞ୍ଚାୟତ
ଏପଟେ ପଞ୍ଚାୟତକୁ ସଫା ରଖିବା ପାଇଁ ଗଠନ କରାଯାଇଛି ହରିଥା କର୍ମ ସେନା ନାମକ ଏକ ଗୋଷ୍ଠୀ । ଏହି ଗୋଷ୍ଠୀ ପ୍ରତ୍ୟେକ ଘରୁ ଅଳିଆ ଆବର୍ଜନା ସଂଗ୍ରହ କରି ଏହାକୁ ଏକାଠି କରନ୍ତି । ପରେ ଆବର୍ଜନାରୁ ପାଉଡର କରିବାକୁ ସଫାସୁତୁରା ପାଇଁ ପ୍ରୋସେସିଂ ୟୁନିଟକୁ ନିଆଯାଏ । ପୁଣି ସେଠାରୁ ସଂଶୋଧିତ ପାଉଡରକୁ ‘କ୍ଲିନ କେରଳ’ କମ୍ପାନୀକୁ ପଠାଯାଏ । ଏହି ପାଉଡରକୁ ପିଚୁ ରାସ୍ତା ନିର୍ମାଣରେ ବ୍ୟବହାର କରାଯାଏ ।