ଗ୍ବାଲିଅର: ପ୍ରଥମ ଥର ପାଇଁ ଗ୍ବାଲିୟରରେ କିଡନୀ ପ୍ରତ୍ୟାରୋପଣ ସଫଳ ହୋଇଛି । ଘରୋଇ ହସ୍ପିଟାଲର ଡାକ୍ତରୀ ଦଳ ମିଶି କରିଛନ୍ତି ଏହି ସଫଳ ପ୍ରତ୍ୟାରୋପଣ । ଗ୍ବାଲିଅରର ୱାଶିମ ପ୍ରଥମେ ମାଲେରିଆରେ ଆକ୍ରାନ୍ତ ହୋଇଥିଲେ। ହେଲେ ଏହା ସଂକ୍ରମିତ ହୋଇ ତାଙ୍କର କିଡନୀକୁ ପ୍ରଭାବିତ କରିଥିଲା । ଫଳରେ ତାଙ୍କର କିଡନୀ ପ୍ରତ୍ୟାରୋପଣ କରିବା ପାଇଁ ବାଧ୍ୟ ହୋଇଥିଲେ ଡାକ୍ତର ।
ସର୍ଜରୀ କରିଥିବା ଡାକ୍ତରୀ ଦଳ
ସୂଚନା ଅନୁସାରେ, ଗ୍ବାଲିୟର ଅବଦପୂରା ଅଞ୍ଚଳରେ ୱାଶିମ ତାଙ୍କ ମାଆଙ୍କ ସହ ରୁହନ୍ତି । ପୁଅର ଏଭଳି ଅବସ୍ଥା ଦେଖିପାରିନଥିଲେ ମାଆ । ତେଣୁ ପୁଅର ଜୀବନ ବଞ୍ଚାଇବାକୁ ନିଜ କିଡନୀ ଦେବାକୁ ସ୍ଥିର କରିଥିଲେ । ଆଉ ଡାକ୍ତରଙ୍କ ପରାମର୍ଶ କ୍ରମେ କିଡନୀ ପ୍ରତ୍ୟାରୋପଣ କରାଯାଇଥିଲା ଏବଂ ଏହା ସଫଳ ହୋଇଥିଲା ।